Ўрмон ландшафтларини тиклаш бўйича икки томонлама учрашув ўтказилди
2025-11-28 09:57:00 / Янгиликлар
Самарқандда бўлиб ўтаётган CITES COP20 доирасида Экология Миллий қўмитаси, Ўрмон агентлиги ФАОнинг халқаро экспертлари ўртасида ўрмон ва ландшафтларни тиклаш бўйича ҳамкорлик алоқаларини янада мустаҳкамлаш мақсадида икки томонлама учрашув ўтказилди.
Учрашувда Корея ўрмон хизмати лойиҳасининг иш режаси ва бюджетини ишлаб чиқиш учун Ўзбекистоннинг ўрмон ва ландшафтларни тиклаш бўйича устувор эҳтиёжларини аниқлаш, ФАОнинг Ўзбекистонда ўрмонларни қайта тиклаш бўйича саъй-ҳаракатлари, айниқса, Орол денгизининг қуриган тубида Экотизимларни тиклаш бўйича ташаббуслари ва Орол денгизини тиклаш бўйича махсус амалий тадқиқотни ўз ичига олувчи “Жаҳон ўрмонларининг ҳолати 2026” ҳисоботи орқали намойиш этиш каби масалалар муҳокама қилинди.
Шунингдек, Ўзбекистонда ўрмонларни барқарор бошқариш, ландшафтларни тиклаш бўйича ҳамкорликни кенгайтиришга келишиб олинди.
Учрашувда Ўрмон агентлиги директорининг биринчи ўринбосари Ғофуржон Қаршибоев иштирок этди.