Uchko‘prik tumani hokimi oliy ta’lim muassasalari bitiruvchilari bilan uchrashdi
2026-07-21 13:05:00 / Янгиликлар
Uchko‘prik tumani hokimi Qodirjon Erkaboyev oliy ta’lim muassasalari bitiruvchilari bilan uchrashdi.
Uchrashuvda tuman hokimi o‘rinbosarlari, Davlat xavfsizlik xizmati mas’ullari, ish beruvchi muassasalar rahbarlari, yoshlar yetakchilari hamda 100 nafardan ziyod bitiruvchi yoshlar ishtirok etdi.
Tadbir davomida bitiruvchilarning mehnat bozoriga integratsiyasini ta’minlash, tadbirkorlik qilish istagidagi yoshlarni qo‘llab-quvvatlashda barcha daxldor muassasalar hamkorligini rivojlantirish masalalari muhokama qilindi.
Bitiruvchi talabalarni qiziqtirgan savollarga mutaxassislar tomonidan batafsil javob qaytarilib, ularning taklif va tashabbuslari tinglandi. 31 nafar bitiruvchining ishga joylashish, tadbirkorlik uchun kredit olish kabi hal etilishi lozim bo‘lgan masalalari yechimi bo‘yicha aniq choralar belgilandi.