Аҳолининг уй-жойга бўлган эҳтиёжини ҳал этиш мақсадида Тўрақўрғонда ҳам ҳар йили янги кўп қаватли уйлар қад ростламоқда.
2026-02-18 15:30:00 / Янгиликлар
“Шердор юрт бунёдкори” МЧЖ томонидан Хўжанд маҳалласи марказида лойиҳа қиймати 15 миллиард 127 миллион сўмдан ортиқ бўлган 5 қаватли, 68 хонадонли уй қурилиши ўтган йилнинг иккинчи ярим йиллигида бошланганди. Айни пайтда асосий ишлар якунланиб, пардозлаш жараёнларига киришиляпти.
Тўрақўрғон тумани ҳокими Шерали Қосимов қурилиш майдонида бўлиб, тадбиркор қурувчининг режалари билан танишди. Унинг айтишича, ишчи кучи ва техникалар бир маромда фаолият кўрсатмоқда. Шундай тарзда давом этса хонадонларни режадагидан ҳам аввалроқ эгаларига топшириш имконияти яратилади.
Тўрақўрғон тумани ҳокимлиги
Ахборот хизмати