Тошкент шаҳар ҳокими в.б. Шавкат Умурзаков бошчилигидаги пойтахт делегацияси Хитой Халқ Республикасига ишчи ташрифни амалга оширмоқда.
2024-01-20 09:00:00 / Янгиликлар
Тошкент шаҳар ҳокими в.б. Шавкат Умурзаков бошчилигидаги пойтахт делегацияси Хитой Халқ Республикасига ишчи ташрифни амалга оширмоқда.
Ташриф буюрилган биринчи шаҳарлардан бири ХХРнинг ишбилармонлик маркази — Шанхай бўлиб, шаҳар маъмурияти делегация иштирокчиларини маданий объектларни бошқариш, шаҳар режалаштирилиши ва қурилиши борасидаги тажрибаси билан ўртоқлашди.
Хусусан, хайтек тармоғининг етакчи компания ва брендларини жалб қилган ҳолда тарихий обидаларнинг реновацияси ва уларга янги ҳаёт бахш этиш тажрибаси алоҳида қизиқиш уйғотди.
Шунингдек, шаҳар режалаштирилиши ва қурилиши борасидаги ютуқларни акс эттирувчи Хитойдаги илк Марказда Шанхай шаҳрининг қурилиши, табиати, экотизимининг ўтмиши, бугуни ва келажаги намойиш этилган бўлиб, 2035 йилгача ривожланиш босқичлари алоҳида мавзу сифатида тақдим этилган.
Делегация аъзолари объектларни реставрация ва парвариш қилиш жараёни, йирик мегаполислар шароитида тарихий биноларни бошқариш ва фойдаланиш услублари билан таништирилди.
Ташриф якунида Sh.Umurzakov Шарафли меҳмонлар китобида ўзининг энг илиқ ва самимий тилакларини ёзиб қолдирди
