Ўзбекистон Республикаси Сув хўжалиги вазирлиги

Унда Ўзбекистон Республикаси Сув хўжалиги вазири Ш.Хамраев, Қозоғистон Республикаси Сув ресурслари ва ирригация вазири Н.Нуржигитов, «Сирдарё» ҳавзаси сув хўжалиги бирлашмаси бошлиғи О.Холхўжаев, икки давлат сув хўжалиги мутахассислари иштирок этди.

Сув ресурслари тақчиллиги ортаётган ҳозирги шароитда Сирдарё дарёси ва давлатлараро каналлар сув ресурсларидан самарали фойдаланиш долзарб ҳисобланади. Икки давлат ўртасида сув ресурсларидан баҳамжиҳат фойдаланиш бўйича келишувларга эришилиб, каналларни бетонлаш, сув тежовчи технологияларни жорий этиш, соҳани рақамлаштиришга катта эътибор қаратилмоқда.

Президентимиз Шавкат Мирзиёев “Абу-Даби Барқарор ривожланиш ҳафталиги” саммитидаги нутқида Ўзбекистон сув тежовчи технологиялар минтақавий хабини ташкил қилишга тайёр эканлигини таъкидлаган эди.

Йиғилишда Ўзбекистонда сув тежовчи технологияларнинг жорий этилиши бўйича тақдимот ўтказилди, томонлар бу борада тажриба алмашишни маслаҳатлашиб олдилар.

Кун тартибидаги барча масалалар юзасидан келишувларга эришилди. Ўзбекистон Республикаси ва Қозоғистон Республикаси ўртасида сув муносабатларининг барча йўналишларида икки томонлама ҳамкорликни мустаҳкамлаш ҳамда таклифлар ишлаб чиқиш бўйича Қўшма ишчи гуруҳининг йиғилиш баёни имзоланди.

Учрашув самимий ва дўстона руҳда ўтди.

Ахборот хизмати