ЁМҒИР СУВЛАРИНИ ЙИҒИШ ВА ФОЙДАЛАНИШ
2024-10-18 17:50:00 / Янгиликлар
Бугун Ирригация ва сув муаммолари илмий-тадқиқот институтида “Ёмғир сувларини йиғиш ва фойдаланиш” мавзусида халқаро конференция ўтказилди. Унда Польшанинг Белостокс техника университети профессори
Лех Ежи Дзенис, Белорусс Республикасининг Мелиорация институти директори Анженков Александр Сергеевичнинг чиқишлари тингланди.
Тадбирда Сув хўжалиги, Қурилиш ва уй-жой коммунал хўжалиги вазирликлари мутахассислари, Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Атроф-муҳит ва табиатни муҳофаза қилиш технологиялари илмий-тадқиқот институти, Тошкент архитектура-қурилиш университети олимлари иштирок этди. Ёмғир сувларини йиғиш ва фойдаланиш бўйича хориж тажрибаси ҳамда республикамизда амалган оширилаётган илмий тадқиқот ишлар ҳақида тақдимотлар намойиш этилди.
Ахборот хизмати