Фарғона вилояти Сўх тумани ҳокимлиги

Президентимиз ташаббуси билан ҳаётга татбиқ этилаётган "Янги Ўзбекистон қиёфасидаги маҳалла" дастури доирасида Фарғона вилоятининг Сўх тумани, "Себзор" маҳалла фуқаролар йиғинида 2026 йил давомида амалга ошириладиган манзилли чора-тадбирлар белгилаб олинди.

Ушбу лойиҳаларни молиялаштириш учун давлат бюджетидан жами 5 миллиард сўм маблағ йўналтирилиши кўзда тутилган.

Асосий йўналишлар ва инфратузилма:

1. Маҳалла маркази ва йўл инфратузилмаси (4,3 млрд сўм):

• Электр тармоқларини янгилаш (0,4-10 кВт кучланишли);
• 2 та янги трансформатор ўрнатиш;
• Пиёдалар йўлакларини қуриш ва марказий кўчаларни асфальтлаштириш;
• Замонавий тунги ёритиш тизимларини жорий этиш.

2. Тадбиркорлик ва хизмат кўрсатиш (255 млн сўм):

• Ҳунармандчилик ва кичик ишлаб чиқариш марказларини ташкил этиш орқали аҳоли бандлигини таъминлаш;
• Сервис ва хизмат кўрсатиш соҳасини ривожлантириш.

3. Қишлоқ хўжалиги ва сув таъминоти (425 млн сўм):

• Суғориш тизимини яхшилаш мақсадида янги насос станцияси агрегатини ўрнатиш. Бунинг натижасида 40 гектардан ортиқ ер майдонини сув билан таъминлаш имконияти яратилади.

Кутилаётган натижалар:

Дастур ижроси натижасида маҳаллада 31 та янги иш ўрни яратилиши, 15 нафар фуқарога тадбиркорлик фаолиятини бошлаш учун кўмаклашиш ва бюджетга 330 миллион сўм тушум туширилиши режалаштирилган.

Энг муҳими, маҳалла аҳли учун замонавий, қулай ва хавфсиз яшаш шароити яратилади. "Себзор" маҳалласи нафақат ташқи қиёфаси, балки ижтимоий-иқтисодий салоҳияти билан ҳам намунали ҳудудга айланади.

Сўх тумани ҳокимлиги Ахборот хизмати