Сўх туманида жамоат хавфсизлигини таъминлаш борасидаги тадбирлар изчил давом эттирилмоқда
2026-05-06 17:00:00 / Янгиликлар
Сўх туманида жамоат хавфсизлигини таъминлаш, ҳуқуқбузарликларнинг барвақт олдини олиш ҳамда ҳудудда осойишталикни мустаҳкамлашга қаратилган профилактик ишлар изчил давом эттирилмоқда. Хусусан, туман ИИБ ҳузуридаги қўриқлаш бўлими ходимлари томонидан «Хавфсиз ва соғлом юрт» тадбирлари доирасида маҳаллалар, савдо шохобчалари ва аҳоли гавжум масканларда кенг қамровли тарғибот ишлари олиб борилмоқда.
Мазкур тадбирлар давомида фуқароларга шахсий ва мол-мулк хавфсизлигини таъминлашнинг замонавий усуллари, жумладан, хонадонлар ва тадбиркорлик объектларини техник қўриқлов пультига топширишнинг афзалликлари юзасидан батафсил тушунтиришлар берилмоқда. Шунингдек, видеокузатув ва сигнализация тизимларидан самарали фойдаланиш жиноятчиликнинг олдини олишда муҳим омил эканлиги таъкидланиб, аҳолининг бу борадаги таклиф ва мулоҳазалари ўрганилмоқда.
Бу каби профилактик тадбирлар нафақат жиноятчиликка қарши курашиш, балки аҳоли билан яқин ҳамкорликни йўлга қўйиш ҳамда туман ҳудудида барқарор ва хавфсиз муҳитни сақлашга хизмат қилмоқда.
📢 Сўх тумани ҳокимлиги Ахборот хизмати