Сирдарё туманида ёшлар бандлигини таъминлашга қаратилган меҳнат ярмаркаси ўтказилди
2026-10-17 14:00:00 / Янгиликлар
Сирдарё туманида ёшлар бандлигини таъминлаш, уларни муносиб иш ўринларига йўналтириш ҳамда меҳнат бозорида ўз ўрнини топишига кўмаклашиш борасида амалий ишлар олиб борилмоқда.
Шу мақсадда Ёшлик маҳалласидаги “Эзгу ниятлар” боғида вилоят солиқ бошқармаси ташаббуси билан ёшлар учун меҳнат ярмаркаси ташкил этилди.
Тадбирда 40 га яқин корхона ва ташкилот ўзларидаги жами 660 та бўш иш ўрни билан иштирок этди. Ярмарка давомида ёшларга мавжуд иш ўринлари, меҳнат шароитлари ҳамда ишга жойлашиш имкониятлари ҳақида маълумотлар берилди.
Шунингдек, тадбирда иштирок этган ёшлар билан мулоқотлар ўтказилиб, уларнинг бандликка оид мурожаат ва таклифлари тингланди. Битирувчи ёшлар учун эса турли касб ва мутахассисликлар билан танишиш, келгусидаги фаолият йўналишини белгилаш имконияти яратилди.