Халқаро экспертлар Сирдарё туманида истиқболли ривожланиш лойиҳаларини муҳокама қилди.
2026-07-09 18:00:00 / Янгиликлар
“Ўзбекистон яшаш учун қулай ва барқарор шаҳарлар” дастури доирасида Сирдарё тумани ҳокимлигида халқаро экспертлар ҳамда масъул ташкилотлар иштирокида учрашув бўлиб ўтди. Учрашувда Сирдарё тумани ҳокими Азизбек Турдимуродов иштирок этиб, туманнинг ижтимоий-иқтисодий ривожланиши, мавжуд инфратузилма ва ҳудудларни комплекс ривожлантириш истиқболлари муҳокама қилинди. Мазкур дастур Ўзбекистон Республикаси Иқтисодиёт ва молия вазирлиги ҳамда Жаҳон банки ҳамкорлигида амалга оширилмоқда. Шу муносабат билан Жанубий Кореянинг ДОҲWА Энгинееринг Cо., Лтд. компанияси бошчилигидаги халқаро консултантлар Сирдарё туманига ташриф буюриб, ҳудуднинг ривожланиш салоҳияти, муҳандислик-коммуникация ва транспорт инфратузилмасини ўрганди. Мулоқот давомида замонавий шаҳарсозлик ечимларини жорий этиш, инфратузилмани ривожлантириш, инвестицион жозибадорликни ошириш ҳамда фазовий-ҳудудий режалар ва мастер-режаларни ишлаб чиқиш масалалари юзасидан фикр алмашилди. Таъкидланганидек, ташриф давомида тўпланган маълумотлар Сирдарё туманининг узоқ муддатли ривожланиш стратегияси ва мастер-режаларини ишлаб чиқишда муҳим асос бўлиб хизмат қилади.