Сирдарё вилояти Коррупцияга қарши курашиш ҳудудий Кенгашининг навбатдаги сайёр йиғилиши Сирдарё туманида ўтказилди.
2026-06-02 12:00:00 / Янгиликлар
Унда ҳудудий Кенгаш аъзолари томонидан туманда коррупциянинг олдини олиш, айниқса, маиший коррупцияга барҳам бериш ҳамда ҳудудда унга нисбатан муросасиз муҳит яратиш мақсадида барча соҳа ва тармоқларни қамраб олувчи “Йўл харита”нинг ижроси бўйича амалга оширилаётган ишлар танқидий муҳокама қилинди.
Танқидий руҳда ўтган йиғилишда туман мактабгача ва мактаб таълими, соғлиқни сақлаш, солиқ, энергетика ҳамда ичимлик суви таъминоти билан боғлиқ маиший коррупция ҳолатлари кўп учрайдиган соҳалар бирма-бир таҳлил қилинди. Масъулларга аниқ вазифалар белгилаб берилиб, уларнинг ижроси назоратга олинди.
Йиғилиш якунида коррупциянинг ҳар қандай кўринишига қарши курашиш, тизимдаги муаммоларни бартараф этиш ва аҳолига кўрсатилаётган хизматлар сифати ҳамда шаффофлигини ошириш бўйича устувор вазифалар белгиланди