Сирдарё туманида туризм инфратузилмасини ривожлантиришга қаратилган халқаро инвестиция лойиҳаси амалга оширилади.
2026-04-16 18:00:00 / Янгиликлар
Малайзиянинг “Спора Глобал Сдн Бҳд” компанияси томонидан туманда “СЙРДАРЯ ГОЛФ РЕСОРТ” МЧЖ ХК ташкил этилди. Компания томонидан ҳудудда замонавий голф майдони ҳамда юқори тоифадаги меҳмонхона мажмуасини барпо этиш режалаштирилган.
Мазкур лойиҳа доирасида Сирдарё тумани ҳокими Азизбек Турдимуродов ҳамда инвесторлар ўртасида ўзаро ҳамкорлик меморандуми имзоланди.
Ушбу ташаббус ҳудудда туризм салоҳиятини янада ошириш, замонавий инфратузилмани ривожлантириш ҳамда янги иш ўринлари яратишда муҳим аҳамият касб этади.