Давлат органлари ва ташкилотлари томонидан нодавлат нотижорат ташкилотларга тақдим этилган грант ва ижтимоий буюртма лойиҳалари ҳақидаги маълумотлар, шу жумладан ғолиб бўлган нодавлат нотижорат ташкилотлари ва уларнинг буюртма доирасида бажарган ишлари юзасидан ҳисоботлари ҳақидаги маълумотлар
 

Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди Бухоро вилояти бўлинмаси томонидан 2025-йилнинг 9-ойлик ҲИСОБОТИ (*PDF форматида юклаб олиш)

I. Ҳудудий бўлинма маблағларининг тақсимоти ва ижроси йўналишида:

Ўзбекистон Республикаси Президентининг 2024 йил 26 августдаги «Фуқаролик жамияти институтларини давлат томонидан қўллаб-қувватлаш тизимини янада такомиллаштириш чора-тадбир тўғрисида»ги 124-сонли Фармони ҳамда Бухоро вилояти Кенгаши (декабрь ойида) томонидан 2025 йил учун маҳаллий бюджетни тасдиқлаш тўғрисидаги қабул қилинган қарорига асосан Олий Мажлис ҳузуридаги Фуқаролик жамияти институтларини қўллаб-қувватлаш жамоат фондининг Бухоро вилояти бўлинмасига жами 5 067, 967 млн. сўм маблағ ажратилган.

Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди маблағларини бошқариш бўйича Парламент комиссиясининг 2025 йил 24 февралдаги 01-10/6-сонли қарори билан ажратилган маблағлар фуқаролик жамияти институтларини давлат субсидияси, давлат ижтимоий буюртмаси ва давлат гранти шаклида кўллаб-қувватлаш ва ҳудудий бўлинманинг маъмурий харажатлари учун тақсимланган.

Жумладан,
1. Давлат субсидияси учун жами 3217,09 млн. сўм.

- Ўзбекистон Ногиронлар жамияти ҳудудий бўлимларига – 1075,06 млн. сўм;

- Ўзбекистон Кўзи ожизлар жамияти ҳудудий бўлимларига – 1826,3 млн. сўм;

- Ўзбекистон Карлар жамияти ҳудудий бўлимларига – 124,8 млн. сўм;

- Ўзбекистон Ногиронлар ассоциацияси ҳудудий бўлимларига – 190,93 млн. сўм.

Жорий йилнинг 1 октябрь ҳолатига давлат субсидияси шаклида маҳаллий бюджетдан ажратилган маблағларнинг 2301,4 млн. сўм 28 та фуқаролик жамияти институтларига ажратиб берилган.

2. Давлат ижтимоий буюртмаси учун жами 0 млн. сўм ажратилган.

3. Давлат гранти учун жами 1353,87 млн. сўм ажратилган. 

Парламент комиссиясининг 2025 йил 30 апрелдаги 01-10/17-сонли қарорига асосан 2025 йил учун бўлинма томонидан электрон платформа орқали ҳудуддаги ижтимоий муаммоларни ҳал этишга фуқаролик жамияти институтларини жалб этиш мавзусида грант танлови эълон қилинди. Мазкур танловлар жами 6 та йўналишини қамраб олган бўлиб, ушбу грант танлови учун 440,0 млн. сўм ажратилган. 6 та йўналиш учун жами 40 та ариза қабул қилинган.

4. Ҳудудий бўлинманинг жорий харажатлари учун 497,0 млн. сўм ажратилган.
 

II. «Ўзбекистон – 2030» стратегиясини «Атроф-муҳитни асраш ва яшил иқтисодиёт» йилида амалга ошириш бўйича давлат дастури доирасида:
 

– Давлат гранти танлови йўналишларини ишлаб чиқиш мақсадида жойларда сақланиб қолаётган муаммоларни ўрганиш мақсадида Олий Мажлис ҳузуридаги жамоат фонди маблағларини бошқариш бўйича Парламент комиссияси раиси, Жамоат фонди директори ҳамда маҳаллий кенгаш депутатларидан иборат ишчи гуруҳ билан биргаликда барча ҳудудларда ўрганиш ишлари олиб борилди.

– Ўзбекистон Республикаси Президентининг 2024 йил 26 августдаги «Фуқаролик жамияти институтларини давлат томонидан қўллаб-қувватлаш тизимини янада такомиллаштириш чора-тадбир тўғрисида»ги 124-сонли Фармонининг мазмун моҳиятини тарғиб қилиш бўйича Бухоро вилоятидаги фуқаролик жамияти институтлари иштирокида  32 та семинарлар ва давра суҳбатлари ўтказилди.

– Бухоро вилояти бўлинмаси томонидан «Бир миллион» дарахт акцияси доирасида 78  тага яқин мевали ва манзарали дарахт кўчатлари экилди.

– Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди билан биргаликда ҳудуддаги фуқаролик жамияти институтлари билан очиқ мулоқот тадбирлари ташкил этилди.

“Бухоро вилояти  бўлинмаси томонидан 2025 йил 1 октябрга  қадар 6 та «Фуқаролик жамияти институтлари» қабули ташкил этилди. Қабулда 35 та ННТ иштирок этди ва 105 нафар иштирокчилар қамраб олинди. Ҳафталик қабул ҳафтанинг 1- кунига  ўтқазилиб келинмоқда ташкилотлар билан  қабул жараёни самарадорлигини ошириш мақсадида қатнашувчиларнинг фикр мулоҳазаларини йиғиш келгуси танловларда таклифларни беришга  хизмат қилди.

Шунингдек қабулда  фуқаролик жамияти институтларини давлат томонидан қўллаб-қувватлаш, давлат ва жамият ҳаётида уларининг фаоллигини янада ошириш, ижтимоий муаммолар ечимига қаратилган ташаббус ва лойиҳаларни амалга ошириш каби масалалар юзасидан фикр алмашилди. Давлат гранти ва ижтимоий буюртмаларни ажратиш билан боғлиқ барча жараёнлар шаффофлигини таъминлашга қаратилган нго.гов.уз  ягона электрон  платформаси  имкониятлари ҳақида жамоат фонди мутахассислари маълумот берди.

II. Ижтимоий шериклик ва жамоатчилик назоратини амалга ошириш йўналишида:

–  Бухоро вилоятида  10 та жамоатчилик назорати тадбирларида ижтимоий биноларда ногиронлиги бўлган фуқаролар учун пандуслар, бино эшикларнинг остоналари ва улардаги ҳожатхоналар эшиклари, шунингдек аэропортда, банкларда ва темир йўл вокзали ва автовокзаллардаги кассалар ногиронлиги бўлган шахслар учун мослаштирилди. Кўзи ожиз фуқаролар учун тактил йўлакчалар ўрнатилишига эришилди.

– Бухоро  вилояти бўлинмаси ва Адлия бошқармаси билан ҳамкорликда молиявий ва ҳуқуқий йўналишда 5 та семинарлар ташкил қилинди. 
 

IV. Жамоатчилик билан алоқалар ва ОАВ билан ишлаш йўналишида:
 

Бўлинма фаолияти, соҳада амалга оширилаётган ишлар ҳамда лойиҳалар натижаларини ОАВ ва ижтимоий тармоқ саҳифаларида тарғиб қилишга эътибор қаратилмоқда.

2025 йилда Давлат гранти, Давлат ижтимоий буюртмаси танловларини эълон қилиш учун жорий йилнинг 4 март куни Бухорода Ўзбекистон Республикаси Президентининг «Фуқаролик жамияти институтларини давлат томонидан қўллаб-қувватлаш тизимини янада такомиллаштириш чора-тадбирлари тўғрисида»ги фармонининг мазмун-моҳиятини кенг жамоатчиликка етказиш мақсадида давра суҳбати бўлиб ўтди.Унда вилоят Кенгаши депутатлари, Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди Бухоро вилояти ходимлари, вилоятдаги нодавлат нотижорат ташкилотлари раҳбарлари ҳамда оммавий ахборот воситалари вакиллари қатнашди. 26-27 март кунлари вилоятимиз ҳудудида Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди бўлим бошлиғи Зуҳро Ибрагимова Олий Мажлис Қонунчилик Палатаси депутати, Парламент комиссияси аъзоси Мадина Баратова ҳамда маҳаллий кенгаш депутатларидан иборат ишчи гуруҳ вилоятининг Бухоро, Когон шаҳарлари  Бухоро, Когон Шофиркон, Қоровулбозор,  Вобкент   туманларидаги жами 12 та маҳаллаларда ўрганиш ишлари олиб борилди. Ўрганишлар жараёнида аҳоли учун маънавий муҳит яратиш, даромадини ошириш, тоза ичимлик суви ва томорқа учун оқова сув билан таъминлаш ҳамда ўз ечимини кутаётган ижтимоий аҳамиятга эга 150 та ортиқ муаммоларга, ва бошқа масалаларга эътибор қаратилмоқда.Ушбу муаммоларнинг манзилли ва самарали ечимига қаратилган грант танловлар эълон қилиниши режалаштирилган. Ҳамда давлат субсидияларни манзилли аниқ муаммоларни бартараф қилиш учун йўналтириш режалаштирилган.

Мамлакатимизда Давлат раҳбари ташаббуси билан «Яшил макон» умуммиллий лойиҳаси доирасида Бухоро вилоятида ҳам кўплаб хайрли тадбирлар ўтказилмоқда. 

Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди ташаббуси билан Бухоро шаҳридаги ННТ ва дўстлик уйида «Яшил макон» умуммиллий лойиҳаси доирасида кўчат экиш тадбири ўтказилди.   
Унда вилоят Кенгаши депутатлари, ННТ ва вилоятдаги миллий маданий марказлари раҳбарлари ҳамда оммавий ахборот воситалари вакиллари қатнашди.
   
Иштирокчилар тадбир доирасида ННТ ва дўстлик уйи олдидаги боғда мевали ва манзарали дарахт кўчатлари экди.  

Соҳа мутахассислари йиғилганларга ягона электрон платформадан фойдаланиш бўйича тавсияларини бериб ўтди.    

Таъкидландики, мазкур ҳужжат фуқаролик жамияти институтларининг давлат ва жамият бошқарувидаги бевосита иштироки учун янги имкониятлар ва ижтимоий шериклик институтини ривожлантириш бўйича ташкилий-ҳуқуқий шароитлар яратиб, давлат органлари фаолияти устидан жамоатчилик назорати таъсирчанлигини оширишга хизмат қилади.

Мулоқот тарзида ўтган тадбир якунида фармоннинг мазмун-моҳиятини кенг жамоатчиликка етказиш ва унинг ижросини самарали таъминланишида давлат органлари ҳамда нодавлат нотижорат ташкилотларининг ҳамкорлигини фаол йўлга қўйиш масалалари бўйича таклифлар билдирилди.

Шунингдек, йиғилишда Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди Бухоро вилояти бўлинмаси, вилоятдаги Миллий маданий марказлар, вилоят Кар ва соқовлар, вилоят Кўзи ожизлар, вилоят Ногиронлар жамияти, ҳамда вилоят Ногиронлар Ассоциацияси томонидан 1-чоракда амалга оширилган ишлар муҳокама қилинди ва тегишли қарорлар қабул қилинди.

Жорий йилнинг 8 апрель куни  Бухорода Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди вилоят бўлинмаси томонидан Ўзбекистон Республикаси Президентининг «Фуқаролик жамияти институтларини давлат томонидан қўллаб-қувватлаш тизимини янада такомиллаштириш чора-тадбирлари тўғрисида»ги фармони мазмун-моҳиятини тушунтириш бўйича ўқув-семинар ташкил этилди. Унда Олий Мажлис Сенати аъзоси, шаҳар кенгаши депутатлари, вилоят, шаҳар Маҳаллалар уюшмаси масъуллари, вилоятдаги ННТлар, Бухоро шаҳридаги маҳалла фуқаролар йиғини раислари ва оммавий ахборот воситалари вакиллари қатнашди. Семинарда фуқаролик жамияти институтларини давлат томонидан қўллаб-қувватлаш, давлат ва жамият ҳаётида уларининг фаоллигини янада ошириш, ижтимоий муаммолар ечимига қаратилган ташаббус ва лойиҳаларни амалга ошириш каби масалалар юзасидан фикр алмашилди. ЗООМ платформаси орқали ўтган ўқув-семинарида давлат гранти ва ижтимоий буюртмаларни ажратиш билан боғлиқ барча жараёнлар шаффофлигини таъминлашга қаратилган нго.гов.уз электрон платформаси имкониятлари ҳақида Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди мутахассислари маълумот берди.Қуйидаги йўналишлар буйича маълумотлар берилди. Фуқоролик жамияти институтларини  фаоллигини ошириш,ҳамда ижтимоий иқтисодий маданий маънавий ва гуманитар соҳаларни ривожлантиришда уларнинг салоҳиятидан тўлақонли фойдаланиш, аҳолининг ҳақиқий эҳтиёжларини кўзлаган жойларда сақланиб қолаётган долзарб муаммоларни ҳал этишга қаратилган ташаббусларни руёбга чиқаришга кўмаклашиш.Давлат органлари ва фуқоролик жамияти институтлари ўртасида ўзаро манфаатли ижтимоий шерикликни янада ривожлантириш. Соҳа мутахассислари йиғилганларга ягона электрон платформадан фойдаланиш бўйича тавсияларини бериб ўтди.    

Таъкидландики, мазкур ҳужжат фуқаролик жамияти институтларининг давлат ва жамият бошқарувидаги бевосита иштироки учун янги имкониятлар ва ижтимоий шериклик институтини ривожлантириш бўйича ташкилий-ҳуқуқий шароитлар яратиб, давлат органлари фаолияти устидан жамоатчилик назорати таъсирчанлигини оширишга хизмат қилади.Мулоқот тарзида ўтган тадбир якунида фармоннинг мазмун-моҳиятини кенг жамоатчиликка етказиш ва унинг ижросини самарали таъминланишида давлат органлари ҳамда нодавлат нотижорат ташкилотларининг ҳамкорлигини фаол йўлга қўйиш масалалари бўйича таклифлар билдирилди. Шунингдек, йиғилишда Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди Бухоро вилояти бўлинмаси, вилоятдаги Миллий маданий марказлар, вилоят Кар ва соқовлар, вилоят Кўзи ожизлар, вилоят Ногиронлар жамияти, ҳамда вилоят Ногиронлар Ассоциацияси томонидан 2-чоракда амалга оширилган ишлар муҳокама қилинди ва тегишли қарорлар қабул қилинди.

16 апрель куни ЎзКОЖ  Бухоро вилоят бўлими раиси Ж Рахматов, ҳисобчиси С.Саидов ва ЎзКОЖ Пешку бўлинмаси раисаси Ш.Шариповалар билан биргаликда Пешку туман бўлинмаси 2024 йил  октябрь ойида Олий Мажлис  ҳузуридаги Фуқаролик жамияти институтларини қўллаб-қувватлаш жамоат фондининг Бухоро вилояти бўлинмаси томонидан эълон килинган грант танловида «Ижтимоий тенглик сари» лойиҳаси билан қатнашиб 58 450 000 минг сўмлик Грант лойихасини амалга оширилган ишлар юзасидан йиғилиш бўлди. 2024 йил 01 ноябрдан бошлаб буйруқ асосида ишчи ходимлар лойиҳа доирасида фаолиятинини бошлаган. Тумандаги 10 нафар 35 ёшгача бўлган ижтимоий аҳволи оғир жамият аъзолари танлаб олиниб 1 ой давомида хафтасига 5 кун ўкув курслари ташкил қилинган. Лойиха давомида 4 нафар даволанишга эҳтиёжман хотин-кизлар сихатгоҳларда соғлигини тиклаган. 15 нафар хотин-кизлар саёхатга олиб борилади. Грант лойихаси маблағлари куйидагича сарфланган.  Иш хақи харажатлари 10 250 000  сўм Тадбирлар ўтказиш учун 15 000 000 сўм Моддий техник базани мустахкамлаш учун 10 500 000 сўм  Бошқа харажатлар 749 250 сўм ҳаммаси бўлиб  36 499 250 сўм маблағ сарфланган ҳозирги кунга келиб лойиҳа давом этмоқда колган маблаг 21 950 750 сўмни ташкил қилган. Лойиҳа сметасидаги Тошкент шаҳрига сайёхат Самарқанд вилоятига ўзгартирилди. Бунинг ўзгариш  сабаби аксарият лойиҳа иштирокчилари 1-2 гурух кўзи ожиз ногиронларнинг талаблари ва имкониятларидан келиб чиқган ҳолда ўрганилди. 

22 апрель куни Олий Мажлис ҳузуридаги фуқаролик жамияти институтларини қўллаб-қувватлаш Жамоат фондини Бухоро вилояти бўлинмаси  ва  Ўзбекистон «Тадбиркорлар ва ишбилармон аёллар» бирлашмаси нодавлат нотижорат ташкилоти раиси Мамлакат Содиқова билан биргаликда тадбир бўлиб ўтди. 

Бугунги кунда рақамли дунё ва ижтимоий тармоқлар орқали ахборот тарқатиш ҳамда шахсий брендни шакллантириш ҳар қачонгидан ҳам муҳим аҳамият касб этмоқда. Шу нуқтаи назардан, СММ (ижтимоий медиа маркетинг) ва мобилография (телефон орқали фото ва видео яратиш) соҳаларига бўлган эҳтиёж тобора ортиб бормоқда.

Ўзбекистон «Тадбиркорлар ва ишбилармон аёллар» бирлашмаси нодавлат нотижорат ташкилоти раиси Мамлакат Содиқова ташаббуси билан амалга оширилаётган ишлар доирасида бухоролик хотин-қизлар айнан шу замонавий кўникмаларни ўзлаштирмоқда.

Бу тренинглар Олий Мажлис ҳузуридаги фуқаролик жамияти институтларини қўллаб-қувватлаш Жамоат фонди томонидан молиялаштирилган Ўзбекистон «Тадбиркорлар ва ишбилармон аёллар» бирлашмасининг «Мамлакатимизда хотин-қизлар манфаати доимий эътиборда!» лойиҳаси доирасида ташкил этилмоқда.

23 апрель куни Бухорода «Ўзбекистон – Озарбайжон алоқалари фото ҳужжатларда» китоб-альбоми”нинг тақдимоти ва «Ўзбекистон ва Озарбайжон икки қардош халқ» мавзусидаги архив ҳужжатлари  кўргазмаси бўлиб ўтди. Тадбир Ўзбекистон Республикаси Адлия вазирлиги ҳузуридаги «Ўзархив» агентлиги, Бухоро вилояти ҳокимлиги, Абу Али ибн Сино номидаги вилоят Ахборот-кутубхона маркази, Олий Мажлис ҳузуридаги фуқаролик жамияти институтларини қўллаб-қувватлаш жамоат фонди, вилоят Озарбайжон миллий маданий маркази билан ҳамкорликда ўтказилди. 

Дастлаб, Ўзбекистон ва Озарбайжон  маданиятини акс эттирувчи саҳна чиқишлар намойиш этилди. «Ўзбекистон ва Озарбайжон икки қардош халқ» мавзусидаги архив ҳужжатлари кўргазмасида Ўзбекистон Кинофотофоно ҳужжатлари миллий архиви ҳамда Озарбайжон Миллий архиви сақловида мавжуд бўлган 1930-2023 йиллар мобайнидаги даврни ўз ичига олган икки давлатнинг маданий-гуманитар муносабатларига оид 50 дан зиёд  архив фото ҳужжатлар ва уларнинг  илмий-маълумот тавсифлари тақдим этилди. Кўргазма иқтисодиёт, илм-фан, маданият соҳаларидаги ҳамкорлик, икки халқларнинг адабиёт ва санъат кунлари акс этган ҳужжатлар ташриф буюрувчиларда  алоҳида таассурот қолдирди.

24 апрель куни Бухоро шаҳридаги нодавлат нотижорат ташкилоти ва Дўстлик уйида Олий Мажлис ҳузуридаги фуқаролик жамияти институтларини қўллаб-қувватлаш Жамоат фонди вилоят бўлинмаси томонидан «Ўзбекистон – миллатлараро тотувлик ва диний бағрикенглик юрти» мавзусида «Очиқ эшиклар куни» тадбири бўлиб ўтди.

Унда вилоятдаги миллий маданий маркази, нодавлат нотижорат ташкилотлари раҳбарлари ҳамда оммавий ахборот воситалари вакиллари қатнашди. 

Тадбирда Ўзбекистон Республикаси Президентининг 2025 йил 19 мартдаги «Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитаси фаолиятини самарали ташкил этиш чора-тадбирлари тўғрисида»ги қарорининг мазмун-моҳияти тушунтирилди.

Унда таъкидланганидек, бағрикенглик ўзбек халқи маънавияти ва маданиятининг ажралмас қисми ҳисобланади. Юртимизда нафақат ижтимоий-иқтисодий, сиёсий соҳалар, балки заминимизда истиқомат қилиб келаётган турли миллат ва элатлар ўртасида дўстлик ришталарини янада мустаҳкамлаш, диний бағрикенглик тамойилларини қарор топтиришга ҳам алоҳида эътибор қаратиб келинади.

25 апрель куни Бухорода Олий Мажлис ҳузуридаги Фуқаролик жамияти институтларини қўллаб-қувватлаш жамоат фондининг Бухоро вилояти бўлинмаси томонидан жорий йилнинг 1-чорагида амалга оширилган ишлар юзасидан матбуот анжумани ўтказилди. Унда фонд ходимлари, ННТлар ва оммавий ахборот воситалари вакиллари, блогерлар қатнашди.

Таъкидланганидек, Ўзбекистон Республикаси Президентининг 2021 йил 4 мартдаги «2021-2025 йилларда фуқаролик жамиятини ривожлантириш концепциясини тасдиқлаш тўғрисида»ги фармони ҳамда 2024 йил 26 августдаги «Фуқаролик жамияти институтларини давлат томонидан қўллаб-қувватлаш тизимини янада такомиллаштириш чора-тадбир тўғрисида»ги фармонига асосан, Олий Мажлис ҳузуридаги Фуқаролик жамияти институтларини қўллаб-қувватлаш жамоат фондининг Бухоро  вилояти бўлинмасига 2025 йилдаги фаолияти учун жами 5 067 967 000 сўм пул маблағлари ажратилди.

Жамоат фонди томонидан жорий йилнинг 29 апрель куни Жондор тумани ҳокимлигида Ўзбекистон Республикаси Президентининг 2024 йил 26 августдани 124-сонли «Фуқаролик жамияти институтларини давлат томонидан қўллаб-қувватлаш тизимини янада такомиллаштириш чора-тадбирлари тўғрисида»ги фармони юзасидан ўқув-семинари ўтказилди. унда Халқ депутатлари вилоят ва Жондор тумани кенгаши депутатлари, вилоят, шаҳар Маҳаллалар уюшмаси масъуллари, ННТлар, жондор туманидаги маҳалла фуқаролар йиғини раислари ва оммавий ахборот воситалари вакиллари қатнашди. ЗООМ платформаси орқали ўтган ўқув-семинарида Танловларни таҳлил қилиш, техник баҳолаш ва мувофиқлаштириш бўлими (У.Халбекова, Жавоҳир Дўстмуродов) ходимлари қатнашди. Ходимлар семинар қатнашчилари саволларига жавоб қайтарди.шунингдек, Шунингдек, фонд томонидан эълон қилинган танловларда «Тадбиркор аёл» Халқаро ишбилармон аёллар ассоциацияси Жондор тумани ҳудудий бўлими «Аёл ҳунари-оила бахти» лойиҳаси 170 миллион сўм, Жондор тумани «Қозикент» маҳалла фуқаролар йиғини «Маҳаллада яшил энергияга ўтиш бўйича хабардорликни ошириш» лойиҳаси 160 миллион сўм, Жондор тумани «Мирзаён» маҳалла фуқаролар йиғини «Ёшлар ўртасида тадбиркорлик кенг оммалаштириш ва бизнес билан шуғулланишга қўшимча имкониятларни яратиш» лойиҳаси билан иштирок этиб, 60 миллион сўм грант маблағларини ютиб олган. Мазкур фуқаролик жамияти институтлари олиб борилган ишлар Халқ депутатлари вилоят ва Жондор тумани кенгаши депутатлари ва оммавий ахборот воситалари вакиллари томонидан ўрганилди. Жараёнлар Ўзбекистон Миллий Ахборот агентлиги, Истиқлол-ТВ, “Бухоро-ТВ томонидан суратга олинди. 

Шунингдек,  жорий йилнинг 1 май куни вилоят ҳокими Ботир Зарипов вилоятдаги 12 та миллий маданий маркази раҳбарлари билан учрашди. Вилоят раҳбари миллий маданий марказлари раҳбарларининг  мурожаатлари тингланди. Олий Мажлис ҳузуридаги Жамоат фонди томонидан ажратилган маблағлар юзасидан ахборот ҳам бериб ўтдим. Мазкур жараён ижтимоий тармоқларда ёритилди. ОАВ ва ижтимоий тармоқларда ёритилган барча фаолият, давлат ижтимоий буюртмаси ва грантлари самарадорлигини тарғиб қилишга қаратилган тадбирлар ОАВ ва ижтимоий тармоқларда ёритилаяпти. Ёритилганлар Жамоат фонди Ижро этувчи девонининг матбуот котиби (О.Норов)га тақдим этиб борилаяпти.     

13 май куни Бухорода Олий Мажлис ҳузуридаги фуқаролик жамияти институтларини қўллаб-қувватлаш жамоат фонди ташаббуси билан «Бухоро вилоятида ижтимоий муаммоларни ҳал этишга фуқаролик жамияти институтларини жалб этиш» мавзусидаги давлат гранти 1-танловида иштирок этиш масаласига бағишланган семинар бўлиб ўтди. Унда фонд ходимлари, маҳаллий Кенгаш депутатлари, вилоятдаги маҳалла фуқаролар йиғини раислари, ҳоким ёрдамчилари, ННТ вакиллари, оммавий ахборот воситалари ходимлари ҳамда блогерлар қатнашди.

Тадбирда Ўзбекистон Республикаси Президентининг «Фуқаролик жамияти институтларини давлат томонидан қўллаб-қувватлаш тизимини янада такомиллаштириш чора-тадбирлари тўғрисида»ги фармони мазмун-моҳияти, Олий Мажлис ҳузуридаги Жамоат фонди томонидан эълон қилинган давлат гранти танлови, лойиҳаларни тақдим этиш ҳамда нго.гов.уз платформаси имкониятлари ҳақида тушунтириш берилди.Семинарда фуқаролик жамияти институтларини давлат томонидан қўллаб-қувватлаш, давлат ва жамият ҳаётида уларининг фаоллигини янада ошириш, ижтимоий муаммолар ечимига қаратилган ташаббус ва лойиҳаларни амалга ошириш каби масалалар юзасидан фикр алмашилди. ЗООМ платформаси орқали ўтган ўқув-семинарида давлат гранти ва ижтимоий буюртмаларни ажратиш билан боғлиқ барча жараёнлар шаффофлигини таъминлашга қаратилган нго.гов.уз электрон платформаси имкониятлари ҳақида Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди мутахассислари тушунтириш берди. Ўқув-семинарда иштирокчилар ўзларини қизиқтирган саволларга соҳа мутахассислари томонидан аниқ жавоблар олди. 

Шунингдек, йиғилишда Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди Бухоро вилояти бўлинмаси, вилоятдаги Миллий маданий марказлар, вилоят Кар ва соқовлар, вилоят Кўзи ожизлар, вилоят Ногиронлар жамияти, ҳамда вилоят Ногиронлар Ассоциацияси томонидан 2-чоракда амалга оширилган ишлар муҳокама қилинди ва тегишли қарорлар қабул қилинди.

2025 йил 19 май куни Бухоро вилояти ҳокими Ботир Зариповнинг навбатдаги сайёр қабули одатдагидан бошқача форматда ўтказилди.Касаба уюшмалари ташкилотлари бирлашмаси вилоят кенгаши биносида вилоятда истиқомат қилувчи кўзи ожиз фуқаролар учун сайёр қабул ташкил этилиб, унда муаммолари ечимидан умидвор бўлиб келган имконияти чекланган фуқароларнинг масалалари тегишлилиги бўйича кўриб чиқилди. Бунинг учун шаҳар-туманлардан ташриф буюрувчи кўзи ожиз фуқаролар ва уларнинг кузатувчиларига зарур шарт-шароитлар яратилди.Сайёр қабулда Ўзбекистон кўзи ожизлар жамияти марказий бошқаруви раиси Эргаш Норпўлатов, алоқадор вилоят бошқарма ва ташкилотлари раҳбарлари иштирок этди.Қарийб 3 соат давом этган сайёр қабул жараёнида фуқаролардан асосан, уй-жой билан таъминлаш, уй-жойни таъмирлаш, даволаниш учун ёрдам кўрсатиш, ишга жойлаштириш, моддий ёрдам ажратиш, кредит олиш, коммунал қарздорликни бартараф этиш ва бошқа масалалар борасидаги муаммолар бўйича мурожаатлар қабул қилинди. Сайёр қабул давомида имконияти чекланган фуқароларнинг кундалик ҳаётда қийнаб келаётган аксарият муаммолари ўз ижобий ечимини топди. Бугунги кунда вилоятда 3 минг 603 нафар кўзи ожиз ва заиф кўрувчи фуқаролар истиқомат қилади. Ўзбекистон кўзи ожизлар жамиятининг вилоят бўлими ўз атрофига 3 минг нафардан ортиқ 1-, 2-гуруҳ ногиронларини бирлаштирган. Жойларда жамиятнинг 12 та шаҳар ва туман бўлинмалари фаолият кўрсатмоқда. Ўзбекистон кўзи ожизлар жамияти марказий бошқаруви раиси Эргаш Норпўлатов Бухоро  вилояти ҳокими билан мулоқотда тегишли ЎзКОЖ худудий бўлим ва унинг назоратидаги маҳаллий бўлинмалар, ишлаб чиқариш корхоналари ҳамда ҳудуддаги кўзи ожизлар махсус кутубхоналари, кўзи ожизлар махсус дам олиш марказлари ва  кўзи ожиз болаларни ўқитишга ихтисослаштирилган давлат таълим муассасаси (интернат-мактаб) фаолиятидаги  муаммоларни ҳал этиш масалалалари ҳам кўриб чиқилди. Бу эзгу ишлар аҳолининг фаровон ҳаётини таъминлашга, бугунги кундан рози бӯлиб яшашларига хизмат қилиши билан ҳам аҳамиятлидир.

23 май куни Бухоро шаҳридаги ННТ ва Дўстлик уйида Олий Мажлис ҳузуридаги фуқаролик жамияти институтларини қўллаб-қувватлаш Жамоат фонди раҳбари Отабек Ҳусанов томонидан вилоятда фаолият юритаётган фуқаролик жамияти институтлари вакиллари билан очиқ мулоқот бўлиб ўтди. Унда халқ депутатлари вилоят Кенгаши котибияти, вилоят, шаҳар, туман Кенгашлари депутатлари, вилоятда фаолият олиб бораётган Нодавлат нотижорат ташкилотлари раҳбарлари, маҳалла фуқаролар йиғинлари раислари, оммавий ахборот воситалари вакиллари ҳамда блогерлар қатнашди. 

Очиқ мулоқотда Ўзбекистон Республикаси Президентининг «Фуқаролик жамияти институтларини давлат томонидан қўллаб-қувватлаш тизимини янада такомиллаштириш чора-тадбирлари тўғрисида»ги фармони мазмун-моҳияти, Олий Мажлис ҳузуридаги Жамоат фонди томонидан эълон қилинган давлат гранти танлови, лойиҳаларни тақдим этиш ҳамда нго.гов.уз платформаси имкониятлари ҳақида тушунтириш берилди.Мулоқотда фуқаролик жамияти институтларини давлат томонидан қўллаб-қувватлаш, давлат ва жамият ҳаётида уларнинг фаоллигини янада ошириш, ижтимоий муаммолар ечимига қаратилган ташаббус ва лойиҳаларни амалга ошириш каби масалалар юзасидан фикр алмашилди.Тадбир иштирокчилар ўзларини қизиқтирган саволларга соҳа мутахассислари томонидан аниқ жавоб олди.Шунингдек, нодавлат нотижорат ташкилотлар раҳбарларининг мурожаати ҳам тингланди ва уларда кўтарилган масалалар жойида муҳокама қилинди ва ижроси таъминланди.  Очиқ мулоқотдан сўнг, О. Ҳусанов вилоятда фаолият олиб бораётган миллий маданий марказлар фаолияти, улар учун яратиб берилган шарт-шароитлар ўрганилди. Улар билан суҳбат жараёнида амалга оширилаётган ишлар, Олий Мажлис ҳузуридаги Жамоат фонди томонидан ажратилаётган субсидияларнинг мақсадли ишлатилаётганлиги ва галдаги вазифалар муҳокама қилинди.

Айни кунда вилоятда 12 та миллий-маданий марказлар фаолият юритмоқда. Ўзбекистон Республикаси Президентининг ташаббуси билан  2021 йилда Бухоро шаҳри, Иброҳим Мўминов кўчаси, 30-уйда Нодавлат  нотижорат ташкилотлари «Дўстлик уйи» ташкил этилган. Мазкур бинода миллий-маданий марказлар учун алоҳида хоналар ажратилиб, зарур компьютер жамланмаси, ахборот технологиялари, қаттиқ ва юмшоқ мебель билан таъминланган. Ҳозирда бу масканда 10 та миллий маданий маркази ҳамда 4 та нодавлат-нотижорат ташкилоти фаолият юритмоқда. Шунингдек, миллатлараро тотувлик, диний бағрикенглик мавзуларида вилоят телевидениесида ҳар ҳафтада бир маротаба «Олтин силсила», тожик тилида «Поёми рўз», рус тилида «Неделя» кўрсатувлари эфирга узатиб келинмоқда. Халқ депутатлари вилоят Кенгаши муассислигида «Бухарский вестник» газетаси рус тилида ҳафтада икки маротаба чоп этилмоқда. 

Миллий-маданий марказлар томонидан вилоятда истиқомат қилаётган турли миллатларнинг урф-одатлари, қадриятлари, кийимлари ҳамда миллий таомларини акс эттирувчи «Сабантўй», «Масленитса», «Халқлар дўстлиги куни», «Бағрикенглик ҳафталиги» каби байрам тадбирлари ўтказиб келинмоқда.Иштирокчилар Қоракўл туманида Давлат ижтимоий буюрмаси асосида қурилаётган Ўзбекистон кўзи ожизлар жамияти Қоракўл тумани бўлимининг янги замонавий бинода амалга оширилаётган ишлар билан танишилди ва керакли маслаҳатлар берилди. Олий Мажлис ҳузуридаги Жамоат фонди раҳбари 2024 йилда фойдаланишга топширилган Ўзбекистон кўзи ожизлар жамияти Бухоро вилояти Шофиркон ўқув ишлаб чиқариш корхонасида ҳам бўлди. У ерда яратилган шарт-шароитларни ўрганди.Ўтган 2023 йилда Ўзбекистон кўзи ожизлар жамияти Бухоро вилоят бўлимининг «Эзгулик рамзи» ижтимоий лойиҳаси ҳамда Шофиркон тумани ҳокимлигининг давлат ижтимоий буюртмаси асосида тумандаги кўришда ногиронлиги бўлган шахсларнинг ижтимоий ва меҳнат шароитларини яхшилаш мақсадида бу ердаги мавжуд бино-иншоотларни реконструкция қилишга киришилди. Бунинг учун Ўзбекистон Республикаси Олий Мажлиси ҳузуридаги фуқаролик жамияти институтларини қўллаб-қувватлаш жамоат фонди томонидан 1 миллиард 400 миллион сўм миқдорида давлат субсидия маблағи ажратилди. Лойиҳа доирасидаги ишлар ниҳоясига етиб, натижада «Ўрикзор Ипак йўли тесктил» МЧЖ қурилиш ташкилоти томонидан 225 метр квадратдан иборат ишлаб чиқариш цехи, 200 метр квадратдан иборат икки қаватли маъмурий бино янгиланди. Маънавият зали ва савдо дўкони учун мўлжалланган объект қурилди. 

Яна иккита ишлаб чиқариш цехи реконструкция қилинди. Эътиборли томони, умумий ҳисобда 25 нафар ишчи-ходимга замонавий меҳнат шароити яратилди.Мазкур корхона имконияти чекланган, айниқса, кўришда нуқсони бор шахсларнинг бандлигини таъминлаш, уларнинг жамият ҳаётида янада фаол бўлиши учун муҳим объектга айланди.  30 май куни Бухорода «Демократик ислоҳотлар: фуқаролик жамияти институтлари трансформацияси» мавзусида семинар ташкил этилди. Унда вилоят Адлия бошқармаси, Олий Мажлис ҳузуридаги Жамоат фонди, ЎзННТМА вакиллари, миллий маданий марказлар, ОАВ ҳамда фаолият юритаётган ННТларнинг вакиллари қатнашди. 

Тадбир Демократик жараёнларни таҳлил қилиш Маркази Бухоро вилояти ҳудудий бўлинмаси, Олий Мажлис ҳузуридаги фуқаролик жамияти институтларини қўллаб-қувватлаш Жамоат фонди вилоят бўлинмаси ҳамда вилоят адлия бошқармаси билан ҳамкорликда ўтказилди.– Тадбирдан кўзланган асосий мақсад фуқаролик жамияти институтларининг давлат ва жамият бошқарувидаги иштироки ҳамда жамоатчилик назоратидаги ролини кучайтириш, бу борада самарали механизмлар ишлаб чиқишдан иборатдир. Семинар доирасида вилоятда фаолият юритаётган нодавлат нотижорат ташкилотларининг муаммолари, ташаббуслари ва уларни қўллаб-қувватлаш бўйича амалий ечимлар муҳокама қилинди. Маҳаллий экспертлар иштирокида соҳани такомиллаштириш бўйича аниқ ва амалий таклифлар ишлаб чиқилди. Шу билан бирга, давлат органлари ва фуқаролик жамияти субъектлари ўртасида самарали мулоқот ва ҳамкорликни йўлга қўйиш, доимий мулоқот платформасини шакллантириш ҳам асосий мақсадлардан бири ҳисобланади. –Тадбир Президентимизнинг «2021 – 2025 йилларда фуқаролик жамиятини ривожлантириш концепциясини тасдиқлаш тўғрисида»ги фармони, «Ўзбекистон – 2030» стратегияси ҳамда 2025 йил учун қабул қилинган 288-сонли Ҳукумат қарори асосида амалга оширилди. Тадбир иштирокчилари фуқаролик жамияти институтлари трансформацияси ва уларнинг миллий ислоҳотлардаги фаол иштироки мамлакат тараққиёти учун ҳал қилувчи аҳамиятга эга эканини қайд этди. Семинарнинг якунлари ҳудудий даражада амалиётга йўналтирилган янги ёндашувлар учун пойдевор бўлиб хизмат қилади.

Олий Мажлис ҳузуридаги Фуқаролик жамияти институтларини қўллаб-қувватлаш жамоат фондининг Бухоро вилояти бўлинмаси томонидан 2025 йил 2 июль куни ННТ ва Дўстлик уйида Ўзбекистон Экологик партияси Бухоро вилояти Кенгаши, «Қизиқ ярим ой» жамияти Бухоро вилояти бўлинмаси, Бухоро шаҳар ободонлаштириш бошқармаси билан ҳамкорликда  «Тоза ҳудуд» акцияси бўлиб ўтди.

Унда  Халқ депутатлари вилоят Кенгаши депутатлари, вилоятда фаолият юритаётган миллий маданий марказлар,  ННТлар ҳамда оммавий ахборот воситалари  вакиллари қатнашди.

Дастлаб,  ННТ ва Дўстлик уйидаги мажлислар залида «Тоза ҳудуд» акцияси доирасида атроф-муҳитни асраш, тозаликни сақлаш ва экологик маданиятни шакллантириш борасида тушунчалар берилди. 

Шундан сўнг, акция доирасида ННТ ва Дўстлик уйи олдидаги боғда ҳамкор ташкилотлар билан биргаликда боғ атрофи бегона ўтлардан ва ахлатлардан тозаланди, кўчат таглари юмшатилди ва суғорилди. Махсус техникалар ёрдамида чиқиндилар олиб чиқилди ободонлаштирилди.  

Акцияда фаол иштирок этган иштирокчилар эсдалик совғалари билан тақдирланди. Лойиҳа доирасида амалга оширилган ишлар оммавий ахборот воситалари томонидан ёритилди.

2025 йил  10 июль куни Бухоро шаҳридаги Дўстлик уйида Олий Мажлис ҳузуридаги Фуқаролик жамияти институтларини қўллаб-қувватлаш жамоат фондининг вилоят бўлинмаси ташаббуси билан Ўзбекистон Экологик партияси Бухоро вилоят Кенгаши, Экология, атроф-муҳитни муҳофаза қилиш ва иқлим ўзгариши вилоят бошқармаси ҳамкорлигида «Сув ҳаёт демакдир!» мавзусида давра суҳбати бўлиб ўтди. Тадбирда ННТлар, маҳалла фуқаролар йиғини раислари ҳамда оммавий ахборот воситалари иштирок этди. Суҳбат давомида сув ресурсларидан оқилона фойдаланиш, иқлим ўзгаришлари фонида сув тақчиллиги, ичимлик сувини тежаш, қишлоқ хўжалигида самарали суғориш технологияларини жорий этиш, шунингдек, аҳолининг экологик саводхонлигини ошириш каби долзарб масалалар муҳокама қилинди. Иштирокчилар томонидан бу борада амалга оширилаётган ишлар, мавжуд муаммолар ва уларни бартараф этиш йўллари юзасидан таклифлар билдирилди. Тадбир якунида барча иштирокчилар жамиятимиз ва атроф-муҳит барқарорлиги учун ҳар бир томчи сув қадрли эканини яна бир бор чуқур англади. Тадбир иштирокчилари томонидан мавзуга доир таклифлар билдирилди. Бухоро шаҳар ННТ ва Дўстлик уйида 2025 йил 17 июль куни Олий Мажлис ҳузуридаги Жамоат фондининг вилоят бўлинмаси томонидан «Ҳудудлардаги ижтимоий аҳамиятга эга муаммолар ечимига қаратилган давлат гранти танлови якунлари» мавзусида матбуот анжумани бўлиб ўтди. Унда маҳаллий Кенгаш депутатлари, нодавлат нотижорат ташкилотлар раҳбарлари, оммавий ахборот воситалари вакиллари ва блогерлар қатнашди.Президентимиз томонидан 2024 йил 26 августда қабул қилинган «Фуқаролик жамияти институтларини давлат томонидан қўллаб-қувватлаш тизимини янада такомиллаштириш чора-тадбирлари тўғрисида»ги фармони соҳадаги ислоҳотларни янги босқичга олиб чиқди, давлат ва жамият ҳаётида фуқаролик жамияти институтлари фаоллигини янада оширишга хизмат қилмоқда. Ҳудудларда сақланиб қолаётган муаммоларни фуқаролик жамияти институтлари билан ҳамкорликда ҳал этиш, уларнинг ташаббусларини рўёбга чиқаришга кўмаклашиш мақсадида Парламент комиссияси аъзолари ва Жамоат фонди вакилларидан иборат ишчи гуруҳ томонидан жорий йилда республиканинг барча ҳудудларида ижтимоий аҳамиятга эга муаммолар ўрганилиб, ҳудудлар кесимида ушбу муаммолар ечимига қаратилган «Бухоро вилоятида ижтимоий муаммоларни ҳал этишга фуқаролик жамияти институтларини жалб этиш» мавзусида давлат гранти танлови эълон қилинган эди. 

Аҳоли бандлигини таъминлаш, ижтимоий муҳофаза ва соғлиқни сақлаш, атроф-муҳит ва санитар-гигиеник ҳолатни яхшилаш, таълим, маданият ва спортни ривожлантириш, соғлом турмуш тарзини қарор топтириш, коррупцияга қарши курашиш каби йўналишларни қамраб олган грант танловига фуқаролик жамияти институтларидан нго.гов.уз платформаси орқали Олий Мажлис ҳузуридаги Жамоат фонди томонидан эълон қилинган танловларга вилоятдаги фуқаролик жамияти институтларидан вилоят танловига 24 та, республика танловига 32 та  лойиҳа тақдим этилган.Тақдим этилган лойиҳалар Парламент комиссияси томонидан кўриб чиқилди. Вилоятдаги 13 та фуқаролик жамияти институтларининг лойиҳалари ғолиб деб топилди. Уларга жами, 1 миллиард 438 миллион сўм гарнт маблағлари ажратилди. Тадбирда танлов ғолиблари билан шартномалар имзоланди ва сертификатлар топширилди. Бухородаги «Wиедергебурт» Ўзбекистон немис миллий маданий маркази вилоят бўлимининг ташкил топганига 30 йил тўлди. Сана муносабати билан марказ томонидан дўстлик ва биродарлик кечаси ташкил этилди.Тадбир яна бир карра вилоятда истиқомат қилаётган турли миллат вакилларини бир давра атрофида бирлаштирди. 

Дўстлик ва биродарлик, қардошлик алоқаларининг чин маънодаги намунаси бўлган тадбир давомида миллий маданий марказлар ўзлари ҳозирлаб келган чиқишлари билан немис миллатига мансуб ҳамюртларимизни қутлашди. Шундан сўнг, немис миллий маданий маркази томонидан тайёрланган байрам дастури намойиш этилди ва унда ёшлар ижросидаги немис миллий куй қўшиқлари, рақслари ўрин олди.  Тадбирда иштирок этган меҳмонлар ҳам ўз ўрнида мамлакатимизда халқлар ва миллатлараро дўстлик ва иттифоқчилик алоқаларининг кўп йиллик тарихий илдизлари, бугунги кунда Ўзбекистонда истиқомат қилиб келаётган турли миллат вакилларига яратилган шароит ва имкониятлар, халқларимиз ўртасидаги дўстлик алоқалари ҳақида тўхталиб бу юртимизда ҳукм сураётган тинчлик ва осойишталикнинг асосини ташкил этиши таъкидланди.– Вилоятда 12 та миллий маданий марказлар фаолият олиб бормоқда. Бухорода эса 40 га яқин миллат ва элат вакиллари истиқомат қилади. Бугунги тинч, осойишта юртда барча миллат ва элат вакиллари бирга умргузаронлик қилиб келмоқда. Юртимизга байрамлар ярашади. Бугун эса мана шу марказимизнинг 30 йиллигини дўстларимиз билан бирга аҳил, иноқ ўтказдик, – дейди вилоят бўлими раҳбари Лубат Штирсенбехер. Немис миллий маданий маркази раҳбарияти узоқ йиллар давомида уларга кўмак кўрсатиб келаётган хомий ташкилотлар, Олий Мажлис ҳузуридаги Жамоат фонди ва вилоят, шаҳар ҳокимлиги вакилларига чуқур миннатдорлик билдирди.

Ўзбекистон Республикаси мустақиллигининг 34 йиллиги ҳамда 30 июль – Халқлар дўстлиги куни муносабати билан Бухоро давлат университетида  2025 йилнинг 28 июлкуни  Олий мажлис ҳузуридаги фуқаролик жамияти институтларини қўллаб-қувватлаш жамоат фонди  вилоят бўлинмаси билан ҳамкорликда «Ватан учун, миллат учун, халқ учун» шиори остида «Халқлар дўстлиги – мамлакат бирлиги» мавзусида маънавий маърифий тадбир бўлиб ўтди. Унда вилоятдаги миллий маданий марказларнинг раҳбарлари, университет профессор-ўқитувчилар ҳамда оммавий ахборот воситалари вакиллари қатнашди. Кўҳна ва боқий Бухоро қадим шарқ цивилизацияси бешикларидан бири сифатида асрлар давомида миллатлараро тотувлик ва бағрикенглик маскани бўлиб келган. Бугунги кунда ушбу анъаналар муносиб давом этмоқда. Вилоятда 12 та миллий-маданий марказ фаолият юритмоқда.

Бухоро шаҳридаги ННТ ва Дўстлик уйида Ўзбекистон «Адолат» социал-демократик партияси вилоят Кенгаши томонидан давлат мустақиллигининг 34 йиллигига бағишланган «Ватан учун, миллат учун, халқ учун!» шиори остида маънавий-маърифий тадбир бўлиб ўтди.

Тадбирда вилоятдаги мавжуд 12 та миллий маданий марказларнинг раҳбарлари ва уларнинг аъзолари қатнашди. Унда Бухоро вилоят Кенгаши раиси Мақсуд Ҳамидов сўзга чиқиб, мустақиллик йилларида эришилган ютуқлар, миллатлар ва конфессиялар ўртасидаги ўзаро ҳурмат, ҳамжиҳатлик ва бирдамликнинг юрт тараққиётидаги ўрни ҳақида алоҳида тўхталди. адбирда турли миллат ва элат вакиллари мамлакатимизда яратилган тинчлик ва тотувлик муҳити тенг имкониятлар, миллий урф-одат ва анъаналарни асраб-авайлаш борасида ўз фикрларини билдирди.   2025 йил 13 август куни Бухоро шаҳридаги ННТ ва Дўстлик уйида Ўзбекистон «Адолат» социал-демократик партияси вилоят Кенгаши томонидан давлат мустақиллигининг 34 йиллигига бағишланган «Ватан учун, миллат учун, халқ учун!» шиори остида маънавий-маърифий тадбир бўлиб ўтди. Тадбирда вилоятдаги мавжуд 12 та миллий маданий марказларнинг раҳбарлари ва уларнинг аъзолари қатнашди. Унда Бухоро вилоят Кенгаши раиси Мақсуд Ҳамидов сўзга чиқиб, мустақиллик йилларида эришилган ютуқлар, миллатлар ва конфессиялар ўртасидаги ўзаро ҳурмат, ҳамжиҳатлик ва бирдамликнинг юрт тараққиётидаги ўрни ҳақида алоҳида тўхталди. Тадбирда турли миллат ва элат вакиллари мамлакатимизда яратилган тинчлик ва тотувлик муҳити тенг имкониятлар, миллий урф-одат ва анъаналарни асраб-авайлаш борасида ўз фикрларини билдирди. 

Шунингдек, Ўзбекистонда турли миллат вакиллари учун яратилган кенг шарт-шароитлардан мамнун эканликларини билдириб, мустақиллик ва дўстликнинг абадий бўлишини тилашди.

Бухорода   2025 йил 21 август куни йирик халқаро тадбир – «Ўзбекистонда Қозоғистон архивлари кунлари» доирасида қатор тадбирлар бўлиб ўтди. Тадбир Ўзбекистон ва Қозоғистон архивларида икки қардош халқ алоқаларига оид архив ҳужжатлари кўргазмаси тақдимотлари билан бошланди. Мазкур кўргазма доирасида Ўзбекистон Республикаси ва Қозоғистон Республикаси архивларида сақланаётган, икки давлат ўртасидаги тарихий, сиёсий, иқтисодий ва маданий алоқаларни ёритувчи ноёб ҳужжатлар илк бор кенг жамоатчилик эътиборига ҳавола этилди. Кўргазма ташриф буюрувчиларга икки халқ ўртасидаги ўзаро дўстлик, қўшничилик ва стратегик ҳамкорликнинг чуқур тарихий илдизларини ҳужжатлар асосида кўрсатиш имконини берди. Ноёб манбалар нафақат архив соҳаси мутахассислари, балки ёш тадқиқотчилар, талабалар, тарих ихлосмандларида ҳам катта қизиқиш уйғотди. Улар илмий-амалий аҳамияти билан бирга, маънавий ва маданий қадриятларни асраш, тарихий хотирани жонлантириш борасида ҳам катта тарбиявий ва стратегик аҳамиятга эга. Ушбу муносабатлар Ўзбекистон ва Қозоғистон ўртасидаги маданий-гуманитар ҳамкорликни мустаҳкамлаш йўлида янги саҳифа очди.

2025 йил 23 август куни Бухоро шахрида, Ўзбекистон Ногиронлар Ассоциацияси томонидан "Ногиронлиги бўлган шахслар ҳуқуқларини таъминлаш" мавзусида семинар ўтказилди. Тадбирда Ўзбекистон Республикаси Олий мажлис хузуридаги Фуқаролик жамияти институтларини қуллаб-қувватлаш жамоат фонди, Ўзбекистон Республикаси Президент ҳузурдаги Ижтимоий ҳимоя миллий агентлиги вакиллари, Ўзбекистон Ногиронлар Ассоциациясининг Бухоро вилоят худудий бўлими ва Тошкент шахар худудий бўлими, бошка ногиронлиги бўлган шахсларни хуқуқларини химоя қилувчи нодавлат нотижорат ташкилотлар иштирок этди.

Семинар доирасида ногиронлиги бор шахслар учун одил судлов имкониятларини таъминлаш, турмушнинг турли жабҳаларида, жумладан жинси ва ёши асосидаги ақидалар, ноўрин қарашлар ҳамда зарарли одатлар билан курашиш масалалари, шунингдек, жисмоний тўсиқсиз муҳит яратилишининг қонуний асослари юзасидан маърузалар тингланди. Шунингдек, Ўзбекистон Республикаси Президентининг 2024 йил 26 августдаги ПФ–124-сонли фармонида белгиланган фуқаролик жамияти институтларини давлат томонидан қўллаб-қувватлаш тизимини такомиллаштиришга қаратилган чора-тадбирларнинг мазмун-моҳияти Ўзбекистон Ногиронлар Ассоциацияси раиси тушунтирилиб, ундан самарали фойдаланиш учун иштирокчиларга тавсиялар берилди. Тадбир якунида қатнашчилар мутахассислардан ўзларини қизиқтирган саволларга жавоб олдилар ва семинарнинг самарадорлигини юқори баҳоладилар. Шу билан бирга, бундай тадбирларни янада кўпроқ ўтказиш заруриятини қайд этишди. Мазкур тадбир Ўзбекистон Республикаси Олий Мажлиси ҳузуридаги Фуқаролик жамияти институтларини қўллаб-қувватлаш жамоат фонди кўмагида ташкил этилди.

Жорий йилнинг 12 сентябрь куни соат 10:00 да Олий Мажлис ҳузуридаги жамоат фонди ва Миллатлараро муносабатлар ва хориждаги ватандошлар масалалари бўйича қўмитаси билан биргаликда «Мамлакатимизда яшовчи турли миллат ва элат вакилларини умуммиллий қадриятлар атрофида бирлаштиришда ижтимоий ҳамкорлик истиқболари» мавзусидаги  онлайн ва офлайн шаклда  Семинар-тренинг ўтказилиши режалаштирилган. Семинарда Миллий маданий марказ раҳбарлари Кўзи ожизлар жамияти Бухоро вилоят ҳудудий бўлинмаси Карлар жамияти вилоят ҳудудий бўлинмаси Ногиронлар ассоциацияси ҳудудий бўлинмасининг  чораклик ҳисоботи тингланди.

2025 йил 26 сентябрь куни Олий Мажлис ҳузуридаги Фуқаролик жамияти институтларини қўллаб-қуватлаш Жамоат фонди Бухоро вилояти бўлинмаси ташаббуси билан «Қизил ярим ой» жамияти вилоят бўлинмаси билан ҳамкорликда вилоят кўп тармоқли болалар шифохонасининг онкология ва неврология бўлимида даволанаётган болажон учун  «Менга умр бахш эт» хайрия акциясини ўтказди. Унда Халқ депутатлари вилоят, туман  Кенгаши депутатлари, Жамоат фонди вилоят бўлинмаси ходимлари, вилоятдаги миллий маданий марказлар раҳбарлари ва уларнинг аъзолари, нодавлат нотижорат ташкилотлари ҳамда оммавий ахборот воситалари вакиллари қатнашди. 

Вилоят кўп тармоқли болалар шифохонасининг онкология ва неврология бўлимида 27 нафар болалар даволанмоқда. Уларнинг соғлом бўлишлари учун барча шарт- шароитлар яратилган. 

Онкологик касалликка чалинган бола кўпинча узоқ даволаниш жараёнларини бошдан кечиради. Бу даврда унинг дунёқарашида қийинчиликлар, қўрқув ва тушкунлик ҳолатлари пайдо бўлиши мумкин. Акция доирасида болалар билан самимий мулоқот қилинди. Уларни диққат билан тинглаш уларга куч-қувват берди. Турли ўйинлар, ижодий машғулотлар, китобхонлик соатлари орқали уларнинг кайфияти кўтарилди. Уларга руҳан далда берди.

Айниқса вилоят қўғирчоқ театри актёрлари томонидан тайёрланган дастур болажонларга яхши кайфият бағишлади. 

Ҳисобот даврида бўлинма томонидан жами 37 марта фаолияти «ИСТИҚЛОЛ-ТВ», «БУХОРО- ТВ», «Бухоронома» ЎзА «Бухоро ёшлари»   «Тезкор янгиликлар» бошқа ОАВларида эълон қилинди. 

Олий Мажлис ҳузуридаги Фуқаролик жамияти институтларини қўллаб-қувватлаш жамоат фонди бўлинма раҳбари:               З.Комилов