26 июнь — Халқаро гиёҳвандликка қарши кураш куни муносабати билан Шофиркон тумани ҳокими Мўмин Амоновнинг туман аҳолиси ва ёшларга мурожаати
2026-06-19 17:30:00 / Раҳбариятнинг баёнотлари ва нутқлари
Янги Ўзбекистонда инсон қадри, унинг саломатлиги ва фаровон ҳаёти энг устувор масала сифатида эътироф этилмоқда. Айниқса, ёш авлодни турли зарарли иллатлардан асраш, уларнинг бўш вақтини мазмунли ташкил этиш, билим олиши, касб-ҳунар эгаллаши ва спорт билан шуғулланиши учун кенг имкониятлар яратиш давлат сиёсатининг муҳим йўналишларидан биридир.
Азиз ёшлар! Сизлар Ватанимизнинг энг катта бойлиги ва эртанги кунимиз эгаларисиз. Ҳаётда юксак марраларни кўзланг, билим олинг, изланинг ва ўз устингизда ишланг. Гиёҳвандлик ва бошқа зарарли одатлар инсоннинг соғлиғи, обрўси, оиласи ва келажагини барбод қиладиган иллат эканлигини ҳеч қачон унутманг. Сизнинг энг катта кучингиз — соғлом фикр, мустаҳкам ирода ва эзгу мақсадларга бўлган интилишдир.
Ҳурматли ота-оналар, устозлар ва маҳалла фаоллари!
Фарзандларимиз тарбияси, уларнинг соғлом ва баркамол вояга етиши барчамизнинг умумий масъулиятимиздир. Ёшларни эътибор ва меҳр билан қўллаб-қувватлаш, уларни турли салбий таъсирлардан ҳимоя қилиш ҳамда соғлом турмуш тарзига йўналтириш бугунги куннинг энг долзарб вазифаларидан ҳисобланади.Шофиркон туманида ҳам ёшлар ўртасида гиёҳвандликнинг олдини олиш, ҳуқуқий маданиятни юксалтириш, соғлом турмуш тарзини кенг тарғиб этиш ва профилактик тадбирларни кучайтириш борасидаги ишлар изчил давом эттирилади.Барчангизни соғлом ҳаёт тамойилларига амал қилишга, гиёҳвандлик ва бошқа зарарли иллатларга нисбатан муросасиз бўлишга чақираман.Ёшларимизнинг бахтли келажаги, оилаларимиз тинчлиги ва юртимиз равнақи йўлида биргаликда ҳаракат қилайлик!
Мўмин Амонов,
Шофиркон тумани ҳокими