Бир маҳалладан бошланган ташаббус — юзлаб аёлларга барака ва даромад
2026-01-31 20:10:00 / Янгиликлар
Ҳозирда мазкур фаолият доирасида келинлик сарполари, миллий қуроқчилик маҳсулотлари, сўзаналар, ёстиқлар ва кўрпачаларни ўз ичига олган 10 га яқин турдаги маҳсулотлар ишлаб чиқарилмоқда. Тайёр маҳсулотлар туман бозорларида ҳамда қўшни туманларда харидоргир бўлиб, буюртмалар ҳажми йилдан-йилга ортиб бормоқда.
Ишлаб чиқариш ҳажмига кўра, бир ойда ўртача 10–15 дона кўрпача, 10 дона ёстиқ, 5 дона сўзана ҳамда 5 га яқин келинлик сарполари тайёрланади. Маҳсулотларнинг бозор нархидан келиб чиқиб, ойлик савдо ҳажми 35-40 миллион сўмни ташкил этмоқда. Харажатлар чегирилгач, соф фойда ўртача 15-20- миллион сўм атрофида шаклланмоқда.
Фаолиятнинг муҳим жиҳати шундаки, Тўраева Гулшод ўз шогирдларини ҳам ҳунар билан таъминлаб, уларнинг даромад топишига кўмаклашмоқда. Бугунги кунда 50 нафардан ортиқ аёллар ундан тикувчилик сирларини ўрганиб, ўз хонадонларида меҳнат фаолиятини олиб бормоқда. Ҳар бир шогирд ойига ўртача 2–3 миллион сўм даромад топиб, оилавий бюджетига барқарор ҳисса қўшмоқда.
Мазкур ташаббус маҳаллада аёллар бандлигини таъминлаш, уларнинг ижтимоий фаоллигини ошириш ҳамда ҳунар орқали барқарор даромад манбаи яратишда муҳим аҳамият касб этмоқда. Тўраева Гулшоднинг фаолияти бугунги кунда аёллар тадбиркорлигини ривожлантириш ва маҳалла иқтисодий салоҳиятини оширишнинг амалий намунаси сифатида баҳоланмоқда.