Баҳор ойларида боғ-ток қатор ораларидан самарали фойдаланишни ташкил этиш юзасидан ўқув-амалий семинар бўлиб ўтди
2025-04-07 10:30:00 / Тадбирлар
Сариосиё тумани, Тоқчиён ҳудудидаги “Алибобо-Шуҳрат” боғдорчилик фермер хўжалигида туман Фермерлар Кенгаши ва Агросаноат агентлиги ҳамкорлигида қишлоқ ва сув хўжалиги масъуллари ҳамда боғдорчилик фермер хўжаликлари раҳбарлари иштирокида “Баҳор ойларида боғ-ток қатор ораларидан самарали фойдаланишни ташкил этиш” мавзусида ўқув-амалий семинар ўтказилди.
- 11 гектар ер майдонига ташкил этилган боғимизда олма, шафтоли, беҳи, нок, олча сингари 6500 туп дарахтлар экилган, дарахт кўчатларимиз ҳосилга киргунча, қатор ораларига экспортбоп қишлоқ хўжалиги маҳсулотлари етиштиряпмиз -дейди фермер хўжалиги раҳбари.
Семинар давомида, иштирокчилари замонавий саноатлашган интенсив боғ ташкил қилиш, ундан самарали фойдаланиш ҳақидаги ўзларини қизиқтирган саволларига жавоб олишди.