Сариосиё туманидаги “Янги Ўзбекистон” массивида марказлашган иссиқлик таъминоти лойиҳалари ижроси кўриб чиқилди
2026-10-06 11:00:00 / Коррупцияга қарши курашиш
Сариосиё туманида аҳолини замонавий ва қулай шарт-шароитларга эга турар жойлар билан таъминлаш мақсадида “Янги Ўзбекистон” массиви барпо этилмоқда.
Бош прокурор ўринбосари С Самадов бошчилигидаги ишчи гуруҳ мазкур массивда бўлиб, амалга оширилаётган қурилиш ишлари ҳамда ҳудудни муҳандислик-коммуникация тармоқлари билан таъминлаш жараёнлари билан танишди.
Жумладан, турар жойларни электр энергияси, марказлашган иссиқлик таъминоти ва бошқа коммунал хизматлар билан таъминлашга қаратилган лойиҳаларнинг амалдаги ҳолати ўрганилди.
Ташриф давомида масъулларнинг ахборотлари тингланиб, иссиқлик ва электр таъминоти лойиҳаларини сифатли амалга ошириш, ишларни белгиланган муддатларда якунлаш ҳамда обектларнинг барқарор фаолиятини таъминлаш бўйича тегишли вазифалар белгиланди.