“Бизнесни рўйхатга олиш” тадбирига тайёргарлик: ҳоким ёрдамчиларининг билим ва кўникмалари оширилди
2026-09-22 13:00:00 / Тадбирлар
Сариосиё туманида ҳоким ёрдамчиларининг “Бизнесни рўйхатга олиш” тадбирини сифатли ва самарали ташкил этиш бўйича билим ва амалий кўникмаларини ошириш мақсадида ўқув семинари ташкил этилди.
Семинарда Ўзбекистон Республикаси Президентининг 2026-йил 10-сентябрдаги “Статистикани ривожлантириш — 2030” миллий стратегиясини тасдиқлаш ҳамда рўйхатга олиш маълумотларидан самарали фойдаланишни ташкил этиш чора-тадбирлари тўғрисида”ги ПФ-190-сон Фармони мазмун-моҳияти ва унда белгиланган вазифалар батафсил тушунтирилди. (Lex.uz)
Таъкидланганидек, Фармонга мувофиқ, Ўзбекистон ҳудудида 2026-йил 1-октябр ҳолатига “Бизнесни рўйхатга олиш” тадбири 15-октябрдан 30-ноябргача ўтказилади. Мазкур тадбир доирасида фаолият юритаётган бизнес субектлари ва бошқа иқтисодий бирликлар, уларнинг фаолият йўналишлари, бандлик ҳолати ҳамда асосий иқтисодий кўрсаткичлари тўғрисида аниқ ва ишончли статистик маълумотларни шакллантириш кўзда тутилган. (Lex.uz)
Семинар давомида ҳоким ёрдамчиларига тадбиркорлар билан ишлаш жараёнида маълумотларни аниқ, холис ва ҳаққоний шакллантириш, саволномаларни белгиланган тартибда тўлдириш ҳамда тадбиркорлик субектлари билан хушмуомалалик ва ўзаро ҳурмат тамойиллари асосида мулоқот қилиш бўйича амалий тавсиялар берилди.
Шунингдек, “Бизнесни рўйхатга олиш” доирасида йиғиладиган маълумотлар статистик мақсадларда шакллантирилиши, мазкур маълумотларни тақдим этишнинг ўзи солиқ солиш учун асос бўлмаслиги алоҳида таъкидланди.