Бош прокуратура ишчи гуруҳи Сариосиё туманида ҳуқуқбузарликлар профилактикаси ва хавфсиз муҳит яратиш борасидаги ишларни ўрганди
2026-09-11 08:00:00 / Янгиликлар
Бош прокурорнинг биринчи ўринбосари Б.Валиев раҳбарлигидаги Республика идоралараро мувофиқлаштирувчи штаби ишчи гуруҳи томонидан Сариосиё туманида ўрганишлар ўтказилди.
Жумладан, туманда уч йилдан буён “қизил” тоифада бўлган “Мирзо Улуғбек” маҳалласида аҳоли тинчлиги ва осойишталигини таъминлаш, “ижтимоий профилактика” тамойили асосида амалга оширилган ишлар самарадорлиги ўрганилди.
Шунингдек, Ҳуқуқни муҳофаза қилиш академияси томонидан “илмий хулоса – тавсия – натижа” тамойили асосида жиноятчиликнинг омил ва сабабларини аниқлаш ҳамда бартараф этиш бўйича ўтказилган илмий таҳлил ва тавсиялар, аҳолини камбағалликдан чиқариш бўйича фавқулодда иш режими тақдимоти билан танишилди.
Ўрганиш натижаларига кўра, фаолиятни янада жадаллаштириш бўйича масъулларга тегишли топшириқ ва кўрсатмалар берилди.
Шу билан бирга, тумандаги “қизил” тоифада бўлган “Афросиёб” маҳалласининг кириш-чиқиш жойлари ҳамда аҳоли гавжум ҳудудларини видеокузатув камералари билан қамраб олиш, маҳалла фуқаролар йиғини учун янги барпо этилган бинода яратилган шарт-шароитлар ҳамда ҳуқуқбузарликлар профилактикаси йўналишида амалга оширилган ишлар ўрганилди.
Фаолият самарадорлигини ошириш бўйича масъулларга бир қатор вазифалар топширилди.