Қишлоқ хўжалигида вазифалар ижроси ва пахта йиғим-теримига тайёргарлик масалалари муҳокама қилинди
2026-09-03 07:55:00 / Қишлоқ ва сув хўжалиги
Сариосиё тумани ҳокими Одилжон Яқубов раҳбарлигида қишлоқ ва сув хўжалиги соҳаси масъуллари ҳамда тегишли корхона ва ташкилотлар раҳбарлари иштирокида йиғилиш ўтказилди.
Унда қишлоқ хўжалиги соҳасида амалга оширилаётган ишлар, хусусан, ғўза майдонларида агротехник тадбирларни ўз вақтида ва сифатли бажариш, дефолиация ишларини тўлиқ якунлаш, пахта йиғим-теримига пухта тайёргарлик кўриш, терим отрядларини шакллантириш ҳамда 2027-йил ҳосили учун бошоқли дон экинларини жойлаштиришга тайёргарлик масалалари муҳокама қилинди.
Шунингдек, соҳада олиб борилаётган ишлар танқидий таҳлил қилиниб, аниқланган камчиликларни бартараф этиш, белгиланган топшириқлар ижросини қатъий назоратга олиш ҳамда агротехник тадбирларни самарали ташкил этиш юзасидан масъулларга аниқ вазифалар белгилаб берилди.