Ўзбекистон Республикаси давлат мустақиллигининг 35 йиллиги муносабати билан Сариосиё туманида Инвестиция дастури доирасида бунёд этилган янги ижтимоий обектлар фойдаланишга топширилмоқда. Жумладан, Турмуш обод маҳалласидаги 43-сонли умумтаълим мактабига
2026-08-25 10:35:00 / Янгиликлар
Ўзбекистон Республикаси давлат мустақиллигининг 35 йиллиги муносабати билан Сариосиё туманида Инвестиция дастури доирасида бунёд этилган янги ижтимоий обектлар фойдаланишга топширилмоқда.
Жумладан, Турмуш обод маҳалласидаги 43-сонли умумтаълим мактабига қўшимча 300 ўринли замонавий ўқув биноси қурилиб, фойдаланишга топширилди. Мазкур бунёдкорлик ишлари ўқувчилар учун қулай таълим шароитларини яратиш ҳамда таълим сифатини янада оширишга қаратилган.
Очилиш маросимида Сариосиё тумани ҳокими Одилжон Яқубов, таълим соҳаси масъуллари, нуронийлар, мактаб жамоаси, ота-оналар ҳамда кенг жамоатчилик вакиллари иштирок этди.
Тадбирда Сариосиё тумани ҳокими Одилжон Яқубов сўзга чиқиб, йиғилганларни Ўзбекистон Республикаси давлат мустақиллигининг 35 йиллиги билан самимий табриклади. Шунингдек, мамлакатимизда таълим соҳасида амалга оширилаётган ислоҳотлар, ёш авлодга яратилаётган замонавий имкониятлар ҳақида сўз юритиб, янги ўқув биноси ўқувчиларнинг сифатли таълим олиши ва келгусида муносиб натижаларга эришишига замин яратишини таъкидлади.
Шундан сўнг иштирокчилар янги ўқув биносида яратилган замонавий шарт-шароитлар билан яқиндан танишдилар.