Ёз мавсумида ёнғинларнинг олдини олишга қаратилган “Долзарб 60 кун” профилактик тадбирлари ҳамда Сариосиё туманида ўтказилган Қўмондонлик-ўқув штаб машқи якунлари муҳокама қилинди
2026-07-11 09:00:00 / Тадбирлар
Сариосиё тумани ҳокимлигида Сурхондарё вилояти Фавқулодда вазиятлар бошқармаси бошлиғи, подполковник Ш.Шукуров ҳамда Сариосиё тумани ҳокими – Фуқаро муҳофазаси бошлиғи Одилжон Яқубов, туман прокурори Б.Олтибаев раҳбарлигида тегишли бошқарув органлари, хизматлар ва ташкилотлар раҳбарлари иштирокида йиғилиш бўлиб ўтди.
Йиғилиш аввалида ёз мавсумида ёнғинларнинг олдини олишга қаратилган “Долзарб 60 кун” профилактик тадбирининг амалга оширилиши, ёнғин хавфсизлигини таъминлаш, профилактик тарғибот ишларини кучайтириш ҳамда масъул ташкилотлар олдида турган устувор вазифалар муҳокама қилинди.
Шундан сўнг, Сариосиё туманида ўтказилган Қўмондонлик-ўқув штаб машқи якунлари сарҳисоб қилинди. Унда ўқув машқларининг юқори савияда ташкил этилгани, барча бошқарув органлари, хизматлар ҳамда куч ва воситаларнинг ўзаро ҳамкорлиги самарали йўлга қўйилгани, фавқулодда вазиятларда тезкор ва мувофиқлаштирилган ҳаракат қилиш кўникмалари янада мустаҳкамлангани алоҳида таъкидланди.
Тадбир якунида ўқув машқларини намунали ташкил этиш, белгиланган вазифаларни ўз вақтида ва сифатли бажариш ҳамда фаол иштироки билан ажралиб турган бир гуруҳ раҳбар ва ходимлар муносиб тақдирланди.