Сариосиё туманида Матбуот ва оммавий ахборот воситалари ходимлари куни муносабати билан байрам тадбири ўтказилди
2026-06-29 07:30:00 / Соҳага оид нашрлар
Сариосиё тумани ҳокимлигининг катта мажлислар залида 27-июн – Матбуот ва оммавий ахборот воситалари ходимлари куни муносабати билан журналистлар, ахборот хизматлари ходимлари, ижтимоий тармоқ фаоллари ҳамда соҳа фахрийлари иштирокида байрам тадбири бўлиб ўтди.
Тадбирда Сариосиё тумани ҳокими Одилжон Яқубов сўзга чиқиб, оммавий ахборот воситалари вакиллари жамиятда очиқлик ва ошкораликни таъминлаш, давлат ва халқ ўртасидаги мулоқотни мустаҳкамлаш, мамлакатимизда амалга оширилаётган кенг кўламли ислоҳотлар, бунёдкорлик ишлари ҳамда долзарб воқеаларни аҳолига тезкор, холис ва ҳаққоний етказишда муҳим ўрин тутаётганини алоҳида таъкидлади.
Шунингдек, бугунги кунда журналистлар ва ижтимоий тармоқ фаолларининг юртимиз тараққиёти, жамиятда соғлом жамоатчилик фикрини шакллантириш ҳамда инсон қадрини улуғлаш борасидаги фидокорона меҳнати юксак эътирофга лойиқ экани қайд этилди.
Байрам тадбири якунида бир гуруҳ журналистлар, ижтимоий тармоқ фаоллари ҳамда соҳа фидойиларига Сариосиё тумани ҳокимлигининг Ташаккурномалари ва эсдалик совғалари тантанали равишда топширилди. Уларнинг туман ҳаётини кенг ёритиш, ислоҳотларнинг мазмун-моҳиятини аҳолига етказиш ҳамда жамиятда очиқлик тамойилларини қарор топтиришдаги муносиб ҳиссаси алоҳида эътироф этилди.