Қабристонларни обод қилиш ва мавжуд муаммоларни бартараф этиш масалалари юзасидан вазифалар белгилаб олинди
2026-05-24 09:30:00 / Янгиликлар
Президент Администрацияси Раҳбарининг махсус топшириғига асосан қабристонларни обод қилиш, уларни сақлаш ҳамда мавжуд муаммоларни бартараф этиш юзасидан белгиланган вазифалар ижросини таъминлаш мақсадида Шарғун шаҳридаги “Биродарлик” қабристонида семинар ташкил этилди.
Бугун Сариосиё тумани ҳокими Одилжон Яқубов раҳбарлигида ўтказилган семинарда Ободонлаштириш бошқармасининг қабристонларга бириктирилган масъул ходимлари, маҳалла раислари, имом-хатиблар, нуронийлар ва оқсоқоллар иштирок этди.
Семинар давомида тумандаги қабристонларни хатловдан ўтказиш, уларни ободонлаштириш, замонавий деворлар билан ўраш, дарвозалар ўрнатиш, йўлакларни бетонлаш, ҳудудларни бегона ўтлардан тозалаш, дарахт ва буталарни тартибга келтириш, гул ҳамда манзарали кўчатлар экиш, қабристонларни озода ва файзли масканга айлантириш масалаларига алоҳида эътибор қаратилди.
Шунингдек, қабристонларни мунтазам сақлаш тизимини йўлга қўйиш, бу борадаги ишларни маҳалла ва жамоатчилик билан ҳамкорликда ташкил этиш юзасидан масъулларга тегишли топшириқ ва кўрсатмалар берилди.