Янги Ўзбекистон аёллари – куч, меҳр ва илҳом тимсоли: Сариосиёда жамиятимиз гултожларига эҳтиром кўрсатилди
2026-03-08 14:00:00 / Тадбирлар
Сариосиё туманидаги “Шоҳсарой” тантаналар саройида 8-март – Халқаро хотин-қизлар куни муносабати билан Сариосиё туманининг асосий байрам тадбири бўлиб ўтди. Унда туман ҳокими Одилжон Яқубов иштирок этиб, хотин-қизларни самимий муборакбод этди.
Туман ҳокими ўз табригида аёлларнинг жамиятда тутган ўрни ва фидокорона меҳнатини алоҳида эътироф этиб, уларга бўлган эътибор ва ҳурмат давлат сиёсатининг устувор йўналишларидан бири эканини таъкидлади.
Файзли давра ва тўкин дастурхон атрофида ташкил этилган тадбир воҳамизнинг таниқли санъаткорлари ҳамда бадиий жамоалар ижросидаги консерт дастури билан янада кўтаринки руҳда давом этди. Байрам иштирокчиларига унутилмас кайфият ва самимий таассуротлар улашилди.