Риштон туманида давлат хизматчилари самарадорлиги ва шаффофлик масалалари муҳокама қилинди
2025-09-03 16:55:00 / Янгиликлар
Йиғилишда вилоят ҳокимининг биринчи ўринбосари Хуршид Аҳмедов, туман ҳокими Баҳодиржон Холиқов, туман ҳокимлиги ҳодимлари, корхона, ташкилот ва муассаса раҳбарлари иштирок этдилар.
Вилоят ҳокимининг биринчи ўринбосари Х.Аҳмедов давлат органлари ва ташкилотларида қонунийлик ва шаффофликни таъминлаш, ходимлар фаолиятида масъулиятни кучайтириш, ижро интизомига қатъий риоя қилиш зарурлигини таъкидлади. Шунингдек, давлат хизматчилари маънавий қиёфаси ва одоб-аҳлоқ маданиятини юксалтириш муҳим вазифа сифатида қайд этилди.
Шу билан бирга, вилоят ҳокимлиги коррупция шўъбаси мудири Х.Тўйчиев ходимларнинг коррупция ҳолатларига қарши қатъий позицияси, манфаатлар тўқнашуви ҳамда бу йўналишда амалга оширилаётган ишлар юзасидан тушунтириш берди.
Йиғилиш якунида масъул раҳбарларга коррупцияга қарши курашишда тизимли ёндашувни кучайтириш, аҳоли манфаатларини таъминлаш ва амалий ишлар самарадорлигини янада ошириш юзасидан топшириқ ва тавсиялар берилди.