Туманимизда жорий йилги пахта йиғим-терими мавсумини уюшқоқлик билан ташкил этиш бўйича кўргазмали семинар ўтказилди
2025-09-03 12:40:00 / Янгиликлар
Семинарда қишлоқ хўжалиги соҳаси масъуллари, сектор раҳбарлари, пахта-тўқимачилик ва ғаллачилик кластерлари вакиллари, мутасадди ташкилотлар, фермерлар ҳамда маҳалла фаоллари иштирок этишди.
"Kosto Line Holding"га қарашли пахта қабул қилиш масканида бўлиб ўтган семинарда туман ҳокими Баҳодир Холиқовлар пахта терими олдидан ғўза майдонларини дефолиациялаш ишларини амалга ошириш, мавсумда теримчи ва ҳашарчиларга етарли шарт-шароит яратиш, уларга кунлик иссиқ овқат ташкил этиш, терим пулини ҳар беш кунда тарқатиш, имкониятдан келиб чиқиб кунлик пул тўланишини йўлга қўйиш, мавсумда муносиб иштирок этган теримчиларни кластерлар томонидан қўшимча рағбатлантириш каби масалаларга алоҳида тўхталиб ўтди.
Йиғим-терим мавсуми олдидан жонлиқ сўйилиб, Қуръон тиловат қилинди. Эҳсон дастурхони ёзилиб, юртга тинчлик, ҳосилга барака тилаб дуо қилинди.
Қайд этилишича, жорий йил Риштон туманидаги 230 та фермер хўжаликларининг 5 минг 350 гектар майдонида пахта ҳосили етиштирилди. Мавсум давомида фермер хўжаликлари томонидан 23 минг 450 тонна оқ олтин териб олиш режалаштирилган.