Қувасой шаҳари ҳокимлиги

Шаҳар ҳокими Зафаржон Тўрақулов Хитойнинг Шандун провинциясидаги йирик ишлаб чиқариш тармоқларига эга “Woerde Group” компанияси раиси Лин Бо бошчилигидаги хитойлик ишбилармонлар делегацияси билан учрашув ўтказди. Учрашувда истиқболли ҳамкорлик масалалари муҳокама қилинди. Шаҳар ҳокими Хитой билан ҳудудлараро ҳамкорлик тобора кенгайиб бораётганини, хусусан, шаҳримиз билан Шандун провинцияси ўртасидаги дўстона ва ишончли алоқалар мустаҳкамланаётганини таъкидлаб ўтди. Мулоқот давомида Қувасой шаҳрида махсус технопарк ташкил этиш, унда шандунлик тадбиркорларнинг лойиҳаларини жойлаштириш имкониятлари кўриб чиқилди. Шаҳар ҳокими билдирилган таклифларни қўллаб-қувватлашини, шаҳримизда махсус саноат зоналари ташкил этилаётганини маълум қилиб, келишувлар доирасида ўзаро манфаатли лойиҳаларни амалга оширишда ҳар томонлама кўмакка тайёр эканлигини таъкидлади.