Тадбиркорлар мурожаатлари эътибор марказида: Қувасойда тадбиркорлар қабули ўтказилди
2026-05-26 12:00:00 / Янгиликлар
Унда вилоят ҳокимининг биринчи ўринбосари Мирзоҳид Убайдуллаев, Қувасой шаҳар ҳокими Зафаржон Тўрақулов, вилоят ва шаҳар ташкилотлари раҳбарлари ҳамда ўз мурожаат ва таклифлари билан қатнашган тадбиркорлар иштирок этдилар.
Сайёр қабул давомида тадбиркорлик фаолиятини ривожлантириш, ишлаб чиқариш қувватларини кенгайтириш, инфратузилма, кредит, ер ажратиш ва бошқа йўналишларга оид масалалар муҳокама қилинди.
Тадбирда 60 нафарга яқин тадбиркор қатнашиб, жами 39 та мурожаат рўйхатга олинди. Шундан 16 таси жойида ижобий ҳал этилди. Қўшимча ўрганиш, ҳужжат ва муайян муддат талаб этадиган 23 та мурожаат эса тегишли ташкилот ва мутасаддиларга ижро учун йўналтирилди.
Тадбиркорлар билан очиқ мулоқотларни мунтазам ташкил этиш, уларнинг муаммо ва таклифларини тизимли ҳал этиш ҳудудда бизнес муҳитини яхшилаш ҳамда янги лойиҳаларни қўллаб-қувватлашда муҳим аҳамият касб этади.