Дамариқ маҳалласида сайёр қабул: муаммолар жойида ўрганилди
2026-02-03 13:40:00 / Янгиликлар
Қува тумани ҳокими Халимжон Умаров томонидан аҳоли билан очиқ мулоқотни янада кучайтириш, жисмоний ва юридик шахсларнинг мавжуд муаммоларини бевосита жойида ўрганиш ҳамда уларни қонуний ва ижобий ҳал этиш чораларини кўриш мақсадида Дамариқ маҳалла фуқаролар йиғинида навбатдаги сайёр қабул ўтказилди.
Сайёр қабулда Қува туман прокурори, туман Ички ишлар бўлими бошлиғи, шунингдек, тегишли корхона ва ташкилот раҳбарлари иштирок этди. Қабул давомида фуқаролар томонидан ижтимоий, ҳуқуқий, коммунал хизматлар, бандлик, тадбиркорликни ривожлантириш, ер ва уй-жой масалалари бўйича мурожаатлар билдирилди.
Туман ҳокими Халимжон Умаров ҳар бир мурожаатни алоҳида тинглаб, муаммоларни ҳал этиш бўйича масъулларга аниқ топшириқлар берди. Айрим масалалар жойида ҳал этилган бўлса, қўшимча ўрганиш талаб этилган мурожаатлар назоратга олинди ва уларнинг ижроси белгиланган муддатларда таъминланиши таъкидланди.