"Ҳайдар Полвон Замини" фермер хўжалиги туманда биринчи бўлиб ғалла шартномавий режасини бажарди.
2025-05-31 21:55:00 / Янгиликлар
Қоровулбозор туманида 2025 йил ҳосили учун 5926 гектар майдонда ғалла парваришланди.
Кластер ва фермер хўжаликлари ўртасида 16 минг тонна дон етиштириб қабул қилиш бўйича шартномалар тузилган бўлиб, ғаллани нес нобуд қилмасдан йиғиб олиш ишлари бошлаб юборилди.
30-май туманда ғалла ўрими мавсумининг учинчи кунида “Навбаҳор” маҳалласи ҳудудидаги илғор фермерлардан бири "Ҳайдар Полвон Замини" фермер хўжалиги 70 гектар ғаллани парваришлаб шартномада кўрсатилган 238 тонна ғаллани ўримнинг учинчи кунидаёқ ортиқчаси билан бажарди.
Биринчилардан бўлиб режани бажарган илғол фермер Шарофиддин Қурбонов ҳамда комбайн оператори туман ҳокими Ўткир Ҳамроев томонидан муносиб тақдирланди.
Қоровулбозор тумани ҳокимлиги матбуот хизмати