Бухоро вилояти Қоровулбозор тумани ҳокимлиги

Ассалому алейкум,

Ҳурматли туманимиз аҳолиси!

Ҳозирги кунда мамлакатимизда аҳолининг тинчлиги ҳамда осойишталигини таъминлаш, жиноят ва ҳуқуқбузарликларни барвақт профилактикаси давлат сиёсатининг устувор йўналишига айланган бўлиб, жамоат хавфсизлигини таъминлаш кун тартибидаги асосий масалалардан биридир.

Туманимиз маҳаллаларида содир этилган олдини олиш мумкин бўлган жиноятларнинг объэктив ва субъэктив сабабларини аниқлаш ва уларни барвақт олдини олиш ишларини самарали ташкил этиш, кечиктириб бўлмайдиган манзилли назорат тадбирларини ўтказиш, жиноятларнинг олдини олиш фаолияти натижадорлигини ҳамда бу борада кунлик сўров ва назорат меҳанизмлари жорий қилинган.

2026 йилнинг январ-май ойларида туманда содир этилган умумий жиноятлар сони 39 тани ташкиш қилиб, мазкур жиноятларнинг
12 таси олди олиниши мумкин бўлган, 27 таси аниқланадиган жиноятлардир.

2025 йилнинг 5 ойи билан солиштирилганда, жорий йилда ўтган йилга нисбатан умумий жиноятлар 7 та ёки 22 фоизга ошган.
Натижада тумандаги 3 та “Бўзачи”, “И.Бухорий”, “Чўлқувар” МФЙлар “сариқ” тоифага киритилди.

Ўтган 5 ой давомида маҳалла ҳудудида олди олиниши лозим бўлган
12 та жиноят содир этилганлиги барчамизни ташвишлантириши лозим.
Бунда, ҳуқуқни муҳофаза қилувчи органлар, давлат ва жамоат ташкилотлари, жамоатчилик фаолллари ҳар бир ҳудуднинг ўзига хос хусусиятидан келиб чиққан ҳолда ҳар бир маҳаллада ҳуқуқбузарлик ва жиноятчиликнинг асл сабаблари аниқланиб, уларни бартараф этиш чоралари кўрилмоқда.

Маҳалла ҳудудида олдини олиш мумкин бўлган 12 та жиноятнинг
1 тасини вояга етмаган шахс, 1 таси аёллар томонидан содир этилганлиги бу борада олиб борилаётган қониқарсизлигини кўрсатмоқда.

Шунингдек, йўл-транспорт ҳодисалари сони кескин кўпайиб, жорий йилда ушбу тоифадаги 6 та жиноят қайд қилинган.

Кўрилган чора-тадбирлар натижасида ўтган давр мобайнида аёллар, муқаддам судланганлар, ишсизлар, маст ҳолдаги шахслар томонидан ҳамда гуруҳ таркибида жиноятлар содир этилишига йўл қўйилмади.

Туман прокуратураси томонидан Ўзбекистон Республикаси Президентининг ПҚ-111-сонли қарори ҳамда Бош прокурор ва Ички ишлар вазирининг 17.04.2025 йилдаги 27ҚҚ/24-сон   Қўшма   қарори бўйича бир қатор ишлар амалга оширилмоқда.

Маҳалла ҳудудида олдини олиш мумкин бўлган жиноятлар содир этилиши ҳолатларининг ҳар бири бўйича объэктив ва субъэктив сабаблари ҳамда шарт-шароитлаш ўрганилиб, аниқ чора-тадбирлар амалга оширилмоқда.

Шу каби, ўн кунлик муддатда ҳар бир жиноятнинг объэктив ва субъэктив сабабларини аниқлаш борасида амалга оширилган чора - тадбирлар натижалари, жумладан, жиноятнинг олдини олишга масъул бўлган шахслар жавобгарлик масаласини кўриб борилмоқда.
 
Ижтимоий профилактика дастури бўйича
 
Қоровубозор туманида тинчлик ва осойишталикни сақлаш, жиноят ва ҳуқуқбузарликларни барвақт олдини олиш мақсадида барча ҳуқуқни муҳофаза қилувчи орган ходимлари ва бошқа масъул ходимлар тун-у-кун хизмат олиб боришмоқда.

Ўзбекистон Республикаси Вазирлар Маҳкамасининг 01.12.2025 йилдаги
754-сонли “Обод ва хавфсиз маҳалла” тамойили асосида маҳаллаларда ижтимоий профилактика тизими самарадорлигини ошириш чора-тадбирлари тўғрисида”ги Қарори асосида “маҳалла еттилиги” томонидан ҳудудда яшовчи, ижтимоий профилактика тадбирларини амалга ошириш зарурияти мавжуд аҳоли аниқланиб, уларга берилган хулосалар бўйича ижтимоий мослаштирувчи дастурлар ишлаб чиқилиб, дастур бандлари ижро этиб келинмоқда.

Бунинг натижасида Қарорда белгиланган алоҳида тоифадаги шахсларга тегишли ёрдам кўрсатилиб, уларнинг белгиланган тоифадан чиқарилишига эришилмоқда.

Жумладан, жорий йилнинг ўтган даврида профилактика инспектори томонидан 180 нафар шахсларни ижтимоий профилактикага олиш ва зарур чора-тадбирларни амалга ошириш бўйича хулосалар йўналтирилган бўлиб, ҳозирга келиб мазкур хулосаларнинг 35 таси ҳал қилиниб, қўшма хулоса шакллантирилган, қолган хулосалар бўйича ишлаб чиқилган ижтимоий мослаштириш дастури бўйича ишлар амалга ошириб келинмоқда.

Ҳурматли, туманимиз фуқаролари ва меҳмонлари !
 
Сўнгги вақтларда туманимиз ҳудудларида содир этилаётган жиноятларнинг аксарияти ўғрилик ташкил қилинмоқда.

Ушбу жиноятларнинг аксарияти фуқароларнинг мол-мулкига нисбатан эътиборсизлик бўлганлигини оқибатида келиб чиқмоқда.

Шунингдек, туман аҳолисининг аксарият қисми саноат корхоналарида куннинг 09.00 дан 18.00 га қадар бўлган вақтида иш жойида бўлиши, фарзандлари эса таълим муассасаларида бўлиши сабабли хонадон ўғрилиги учрамоқда.

Шу боис, далаларда ёки яшаш уйидан узоқда, атрофи ўралмаган ҳовлиларда қорамоллар ва қўй-қўзиларнинг қаровсиз қолдирмаслик;
- автомототранспорт воситаларини эшиклариниг очиқ ҳолда ёки овлоқ жойларда қаровсиз қолдириб кетмаслик;
- хонадон ёки савдо дўконларини техник қўриқлаш пултига улаш ёхуд автоном сигнализацияларнинг ўрнатиш;
- корхона, ташкилот, муассаса, савдо ва маишик хизмат кўрсатиш шахобчаларида ташқи ёритиш ва видео кузатув мосламаларини ўрнатиш ёхуд қоровуллик хизматини ташкил этишга алоҳида эътибор қаратиш сўралади.

Ҳар биримиз ўз мол-мулкимизни асраб авайлашга, уни қўриқлаш ва хавфсизлигини таъминлашга масъулият билан ёндошлайлик.

Шунингдек, қуйидаги ҳолатларга эътибор қаратишингиз сўралади.

- энг аввало телефон ва гаджетларингизга икки босқичли парол ўрнатинг, автоматик юклаб олиш иловаларини ўчириб қўйинг;
- пластик карта пин-кодини бегона шахсларга берманг;
- савдо нуқталари атрофидаги бегона шахслар орасида карта пин-кодини маълум қилманг, терминалга пин-кодни шахсан киритинг, пин-кодни киритиш қурилмаларида шубҳали қопламалар мавжуд эмаслигини текширинг;
- масофададан туриб электрон тўловларни ёки пул ўтказмаларини амалга ошириш давомида махсус кодни ошкор этманг;
- электрон почта ёки ижтимоий тармоқлардан банк пластик карта тўғрисидаги махфий маълумотларни жўнатманг;
- банк пластик картаси учун СМС-хабарнома хизматини бегона шахслар телефон рақамига уламанг;
- яқинларингиз ва танишларингизнинг гаровга олинганлиги, ёрдамга мухтожлиги ёки бирор-бир мушкул аҳволга тушиб қолганлигини айтиб, таниш дўсти, тергов, тиббиёт ходими ёки бошқа шахс мақомида қўнғироқ қилиб пул талаб қилишаётган бўлишса ёҳуд чет мамлакатда юрган яқинингиз овозида қўнғироқ қилиб пул сўрашса асло ишонманг.
Бу сунъий интеллект орқали амалга оширилаётган фирибгарлик бўлиши мумкин. Агарда юқоридаги каби ҳолатларга дуч келсангиз “112” қисқа рақамига зудлик билан мурожаат қилинг.

Бундан ташқари, Сизлардан жиноятларнинг оқибатлари билан курашиш эмас, балки жиноят содир этилишига имкон берган шарт-шароитларни бартараф қилишга устивор вазифа сифатида қараб, жиноятчиликка қарши кураш борасида биргаликда ҳаракат қилишга чақириб қоламан.