Туман ҳокими Ўткир Ҳамроев туман ИИБ бошлиғи Алимардон Жумаев билан биргаликда “Жарқоқ” маҳалласида бўлиб, ижтимоий соҳа обектларининг қиш мавсумига тайёргарлик ҳолати ва яратилган шароитлар билан яқиндан танишишди.
2026-01-16 22:20:00 / Янгиликлар
Дастлабки манзил, маҳалла ҳудудидаги 5-умумий ўрта таълим мактаби бўлди. Бу ерда иситиш қозонхоналарининг ҳолати ва синф хоналарининг иссиқлик тизимига алоҳида эътибор қаратилди.
Ўрганишлар 9-сонли давлат мактабгача таълим ташкилотида давом этди.
Қозонхона ва бинонинг иситиш тизими кўздан кечирилди.
Шунингдек, мактабгача таълим ташкилотида сақланаётган озиқ-овқат маҳсулотларининг ҳолати ва сифати ўрганилди.
Туман ҳокимининг кейинги манзили “Жарқоқ” оилавий шифокорлик пункти бўлди.
Бу ерда ҳам даставвал, бинонинг иссиқлик тизими кўздан кечирилди.
Шундан сўнг, беморлар билан суҳбатлашиб, уларнинг холидан хабар олинди.
Ўрганишлар якунида масъулларга аниқланган камчиликларни қисқа фурсатларда бартараф этиш бўйича аниқ топшириқ ва кўрсатмалар берилди.
Қоровулбозор тумани ҳокимлиги матбуот хизмати