“Бўзачи” маҳалласида қишлоқ хўжалиги соҳасидаги долзарб масалалар муҳокама қилинди.
2025-12-23 20:50:00 / Янгиликлар
“Бўзачи” маҳалласида қишлоқ хўжалигида амалга оширилиши лозим бўлган ишлар юзасидан фермер хўжалиги ҳамда тегишли корхона ва ташкилот раҳбарлари иштирокида учрашув ўтказилди.
Учрашувда туман ҳокими, туман прокурори, туман солиқ инспекцияси бошлиғи, ҳоким ўринбосари ва соҳага алоқадор ташкилот раҳбарлари иштирок этишди.
Учрашув давомида 2026-йил ҳосили учун пахта ва ғалла етиштириш, экин ерларни шудгорлаш, дала четларига дарахт кўчатлари ўтқазиш, сув тежовчи технологияларни жорий этиш, ариқ ва зовурларни тозалаш ҳамда ички ариқларни бетонлаштириш масалалари кўриб чиқилди.
Шунингдек, қолоқ фермерлар билан индивидуал ишлаш, ушбу фермер хўжаликлар фаолиятини яхшилаш, фаолиятида ўзгариш қилмаган фермер хўжаликларга нисбатан қонунчиликда белгиланган тартибда чора кўриш бўйича масъулларга аниқ топшириқ ва кўрсатмалар берилди.
Қоровулбозор тумани ҳокимлиги матбуот хизмати