Халқ депутатлари Қизириқ тумани Кенгаши депутати Б.Очилдийев томонидан “Йетимқум” маҳалласида аҳоли бандлигини таъминлаш борасидаги ишлар ўрганилди.
2026-04-01 14:05:00 / Халқ депутатлари Қизириқ тумани Кенгаши
Ташриф давомида депутат маҳаллада фаолият юритаётган ҳоким ёрдамчиси томонидан тадбиркорликни ривожлантириш, аҳолини даромад манбаи билан таъминлаш ҳамда уларни қўллаб-қувватлаш йўналишида амалга оширилаётган ишлар билан яқиндан танишди.
Хусусан, ҳоким ёрдамчиси кўмагида имтиёзли кредит маблағлари асосида иссиқхоначилик фаолиятини йўлга қўйган тадбиркорлар фаолияти ўрганилиб, яратилган шароитлар ҳамда эришилаётган натижалар таҳлил қилинди.
Шунингдек, депутат томонидан мазкур йўналишда амалга оширилаётган ишларнинг самарадорлигини ошириш, мавжуд муаммоларни бартараф этиш ҳамда тадбиркорлик субйектларини янада қўллаб-қувватлаш юзасидан тегишли тавсия ва таклифлар билдирилди.
Мазкур ташриф ҳудудда тадбиркорликни ривожлантириш, янги иш ўринларини яратиш ҳамда аҳоли фаровонлигини ошириш борасидаги ишларни янада жадаллаштиришга хизмат қилади.