Қамаши туманида “Қишлоқ жойларини комплекс ривожлантириш” лойиҳаси доирасида 9 та маҳаллада умумий қиймати 14 миллион долларлик ижтимоий соҳа ва инфратузилма объектларини яхшилаш ишлари амалга оширилмоқда.
2026-05-13 18:10:00 / Янгиликлар
Бунёдкорлик ишлари доирасида таълим тизимини ривожлантиришга алоҳида эътибор қаратилиб, бир нечта маҳаллаларда янги қурилиш ва таъмирлаш ишлари амалга оширилмоқда.
🔹 Бунёдкор маҳалласидаги 94-мактаб учун 3 миллиард 480 миллион сўмлик лойиҳа асосида 140 ўринли қўшимча бино, замонавий ошхона ва спорт зали қурилмоқда.
🔹 Бобуртепа маҳалласидаги 50-мактабда эса 5,7 миллиард сўмлик лойиҳа доирасида 180 ўринли қўшимча бино, ошхона ҳамда спорт майдони барпо этилмоқда.
🔹 Истиқбол маҳалласида 8,4 миллиард сўмлик лойиҳа асосида 240 ўринли янги мактаб қурилиши давом этмоқда.