Поп туманида Мустақиллигимизнинг 34 йиллик шонли байрами юқори руҳда старт олди!
2025-08-28 20:35:00 / Янгиликлар
Марказий ўйингоҳда халқимиз ва ёшларимиз интизорлик билан кутиб келган тантаналар бошланиб, “Ватан учун, миллат учун, халқ учун!” шиори остида байроқдек баланд садо янграмоқда.
Тантанали маросимда Поп тумани ҳокими Ғуломжон Муродхўжаев сўзга чиқиб, байрам иштирокчиларини истиқлолнинг беқиёс неъматлари, юртимизда амалга оширилаётган улкан ислоҳотлар ва янгиланишлар билан самимий табриклади.
Саҳнада эстрадамиз юлдузлари ва ёш ижрочиларнинг юракдан куйлаган қўшиқлари, санъат усталарининг мафтункор чиқишлари орқали томошабинларга ҳақиқий байрам кайфияти улашилмоқда.
Поп туманидаги бу қувончли дамлар – ҳамжиҳатлик, тараққиёт ва янги марралар сари қадам қўйишнинг рамзидир!