Меҳнат ва тадбиркорлик уйғунлиги: Ғурумсаройда нон маҳсулотлари ишлаб чиқариш ривожланмоқда
2026-10-22 15:25:00 / Янгиликлар
2023 йилда ўз фаолиятини бошлаган оилавий тадбиркорлик ташаббуси йилдан-йилга ривожланиб, аҳоли дастурхонига нон ва бошқа маҳсулотларни етказиб бериш билан бирга, янги иш ўринларини яратишга ҳам хизмат қилмоқда.
Корхонада бир кунда 10 қопдан зиёд ун ва бошқа хомашёлардан фойдаланилиб, маҳсулотлар ишлаб чиқарилади. Эътиборлиси, тадбиркор ўз жамоасидаги 30 нафар ишчини иш билан таъминлаб, уларга мунтазам ойлик маош тўлаб келмоқда.
Вилоят ҳокими Шавкатжон Абдураззоқов корхона фаолияти билан танишиб, тадбиркорнинг ишлаб чиқариш кўламини янада кенгайтириш бўйича режа ва таклифларини тинглади. Учрашув давомида мавжуд имкониятлар муҳокама қилиниб, тадбиркорликни ривожлантириш юзасидан тегишли чора-тадбирлар белгиланди.
Ҳар бир тадбиркорлик ташаббуси — янги имконият, ҳар бир яратилган иш ўрни эса оилалар фаровонлиги сари муҳим қадамдир!