Ўзбекистон Республикаси Мустақиллигининг 34 йиллик тантаналари муносабати билан туман ҳокими Ҳусан Бултакович Абдувоҳидовнинг Пахтакор тумани аҳолисига байрам ТАБРИГИ
2025-08-30 08:00:00 / Янгиликлар
Ассалому алайкум, Қадрли юртдошлар!
Ҳурматли туманимиз меҳмонлари!
Аждодларимизнинг азалий орзуси ҳамда улкан саъй-ҳаракатлари натижасида халқимиз истиқлолга эришганига бу йил 34 йил тўлди. Мустақилликка эришиш, албатта, осон кечгани йўқ – машаққатли меҳнат, миллатимиз зиёлиларининг бошдан кечирган мураккаб синовлари, йўқотишлар ва қурбонлар эвазига бугунги фаровон кунларга эришдик.
Бу ҳақда Президентимиз нутқларида «Халқимиз қалбидаги ҳуррият сари эзгу интилишни ҳеч қандай босқин, зулм ва зўравонликлар йўқота олмади. Бунга кўҳна тарихимизнинг ўзи гувоҳ» дея сўз юритганлар. Тарих сарҳадларига эътибор қарата туриб, бугунги кунимизнинг қадрига етиш айнан шу кунларда халқимиз қалби, онги шуурида акс этиб турганига асло шубҳа йўқ. Чунки мустақиллигимизнинг 34 йиллик байрам тантаналари тарихимизда ҳеч бўлмаган янгича руҳ билан ўтмоқда десак муболаға бўлмайди.
Давлатимиз рахбарининг “Ўзбекистон Республикаси давлат мустақиллигининг ўттиз тўрт йиллик байрамига тайёргарлик кўриш ва уни ўтказиш тўғрисида”ги қарорига асосан “Ватан учун, миллат учун, халқ учун!” шиори остида ўтказилаётган бугунги байрам тантаналари муборак бўлсин!
Манбаларга назар ташласангиз, туманимиз асосан ғаллачилик, пахтачилик, сабзавот ва полизчилик, боғдорчилик ҳамда чорвачилик соҳаларига ихтисослаштирилган бўлсада, бугунги кунда халқимизнинг саъй-ҳаракатлари билан саноат, ишлаб-чиқариш, транспорт корхоналари сони йилдан-йилга ортиб, қўшма корхоналар, хусусий фирмалар, акциядорлик жамиятлари завод ва фабрикалар туман иқтисодий ривожланишида ўз ўрнига эга бўлмоқда.
Азиз дўстлар, қадрли ҳамюртлар!
Бугун Пахтакор аҳли давлатимиз раҳбари белгилаб берган сиёсатни тўлиқ қўллаб-қувватлаган ҳолда Ватан тақдирига бевосита ўзи ҳам дахлдор эканлигини ҳис этиб, стратегик дастурларни рўёбга чиқаришда иштирок этаётганини ҳар бир жабҳада кўришимиз мумкин.
Жумладан, туман “Агропилла” МЧЖ томонидан 96 тонна юқори сифатли кумуш тола етказиб берилиб, вилоятда биринчилардан бўлиб белгиланган вазифа уддаланди. Бу ютуқларга эришишда, Пахтакор хўжалигидаги “Нўмон ота” фермер хўжалиги 450 килограмм, Туркистон хўжалигидаги “Мироб Пахта” фермер хўжалиги 380 килограмм ҳосил топшириб юқори натижаларга эришдилар.
Бундан ташқари, туманда жорий йилда 11700 гектар ерда деҳқончилик қилган ғаллакорларимиз 35880 тонналик хирмон еттиштириб вилоятда биринчилардан бўлдилар.
Қадрли байрам тадбири иштирокчилари!
Барчангизга маълумки, бугун Пахтакор - янгиланишлар босқичида.
Туманимизда 2025 йил мобайнида бир нечта объектлар янгидан қурилиб фойдаланишга топширилди.
Жумладан, “Дўстлик” маҳалласи ҳудудида туманимиз ёшларининг ўз иқтидорларини тўла намоён этишлари ҳамда ўзларини қизиқтирган соҳалар билан шуғулланишлари учун “Ёшлар инновaцион маркази” фаолиятини бошлади.
Ушбу бино 1,3 млрд. сўм маблағ эвазига бунёд этилиб, 300 млн.сўмлик замонавий технологиялар билан таъминланди.
Марказ бир вақтнинг ўзида 300 нафар ўқувчини қамраб олиш имкониятига эга бўлиб 30 нафар ёшлар иш ўринларига эга бўлдилар.
Бу, албатта туманимизда ёшлар сиёсати соҳасидаги муҳим йўналишлардан бири сифатида уларга эътиборни кучайтириш, уларни ахборот технологияларидан фойдаланиш кўникмаларини шакллантириш борасида самарали ишлар амалга оширилаётганидан далолатдир.
Туманимизда, “Обод хонадон”, “Обод кўча” ва “Обод маҳалла” дастури доирасида “Самарқанд” ва “Дилором” маҳаллаларида бошланган ишлар натижасида ҳудудлар ижтимоий - иқтисодий ривожлантирилиб, аҳоли турмуш тарзи яхшиланиб, инфратузилма замонавий кўринишга келтирилди.
Бугунги кунда мазкур дастур асосида бунёдкорлик ва ободонлаштириш ишлари туманнинг “Дўстлик” маҳалласида давом этмоқда.
Шунингдек, “Сувонобод” маҳалласи ҳудудида жойлашган 15-сонли умумтаълим мактабига 7 160 млрд. сўм маблағ ажратилиб 340-ўринли янгидан бино барпо этилмоқда ҳамда “Ғалаба” маҳалласи ҳудудида 9,6 млрд. сўм маблағ эвазига янгидан 240-ўринли давлат мактабгача таълим ташкилоти қуриш ишлари олиб борилмоқда.
Бундан ташқари, Зарбдор тажрибаси асосида драйвер лойиҳаларни амалга ошириш белгиланган бўлиб, қиймати 77 млрд. сўмлик 125 та савдо ва сервис хизмат кўрсатиш лойиҳалари ҳисобига 470 та янги иш ўринлари яратиш режалаштирилган.
Шундан, “Самарқанд” маҳалласи ҳудудида “Жанубий Мирзачўл” каналининг қирғоқларида, соҳил бўйи аҳоли дам олиш маскани ташкил этилмоқда. Бунинг натижасида, 50 та савдо ва сервис хизмат кўрсатиш объектлари ишга туширилиб, 150 та иш янги ўринлари яратилади;
“Тошкент” маҳалласи ҳудудида “Мўжиза” истироҳат боғини замонавийлаштириш орқали қўшимча 24/7 режимида фаолият юритувчи савдо-сервис объектлари ташкил этилиб, 20 та савдо ва сервис хизмат кўрсатиш объектлари ишга туширилиб, 40 та иш янги ўринлари яратилади;
“Ғалаба” маҳалласи ҳудудида, “Ватанпарвар” кўчаси бўйидан ўтган, чиқинди сувлар оқувчи, бугунги кунда фойдаланилмаётган зовур ўрнида савдо ва хизмат кўрсатиш объектлари ташкил этилиб, 30 та савдо ва сервис хизмат кўрсатиш объектлари ишга туширилиб, 150 та иш янги ўринлари яратилади;
“Олтинкўл” маҳалласи ҳудудидаги собиқ чўмилиш хавзасида (пляж) ер майдони ва қирғоқларида, соҳил бўйи туризм объектлари ҳамда аҳолининг маданий хордиқ олиши учун истироҳат боғи ва аква парк ташкил этиш ҳисобига, 15 та савдо ва сервис хизмат кўрсатиш объектлари ишга туширилиб, 30 та иш янги ўринлари яратилади.
Ҳурматли тадбир иштирокчилари!
Сўнгги йилларда ўсиб келаётган ёш авлодни жисмонан соғлом ва ақлан етук бўлиб вояга етишлари учун барча шарт-шароит ва имкониятлар яратиб берилаяпти.
Туманимизда спорт соҳасида ҳам бир қанча ютуқларга эришиб келмоқдамиз. Жумладан Ўзбекистон чемпионати ва кубокларида 215 нафар, Халқаро, Осиё ва Жаҳон чемпионатларида 15 та олтин, 23 та кумуш ва 37 та бронза медалларини қўлга киритиб ғолиб ва совриндорлар сафидан ўрин олишди.
Жумладан, Португалия, Жанубий Корея ва Қозоғистон давлатларида спортнинг Кураш ва Дзюдо турлари бўйича Жахон, Осиё чемпионатларида Ҳасанова Дилруҳ, Исроилова Севинч, Ҳолмирзаева Гулмира, Муродова Севинч, Бочкова Деспина, Хасанова Динора ўз вазн тоифаларида юқори натижалар кўрсатиб юртимиз шарафини муносиб ҳимоя қилдилар.
Давлатимиз рахбари ташаббуси билан ўтказиб келинаётган “Беш ташаббус олимпиадаси”нинг 2025 йилги мавсумида Республика босқичида туманимиз ёшлари спортнинг Стритбол туридан 1 та олтин, 1 та кумуш, Енгил атлетика тури бўйича 1 та бронза медали соҳибига айланиб туманимиз шарафини юқори ўринларга олиб чиқдилар.
Ҳурматли байрам тадбири иштирокчилари!.
Мухтарам ютрбошимизнинг таълимга бераётган эътиборлари натижасида, туман мактабгача ва мактаб таълими бўлими тасарруфидаги 20 та умумий ўрта таълим мактабидаги 872 нафар битирувчидан 315 нафари 37 фоизи олий таълим муассасаларига ўқишга кириб, талаба бўлишди.
Туманимизда болажонларни боғчаларга қамраб олишда ҳам яхши натижаларга эришмоқдамиз. Жумладан, охирги уч йил ҳисобида 5 та давлат мактабгача таълим муассасаси ва 10 та оилавий боғчалар фаолияти йўлга қўйилиб, мактабгача таълим ташкилотларига қамраб олиш даражаси 75,0 фоиздан – 86,7 фоизга етди.
Ҳурматли байрам тадбири иштирокчилари!.
Тумнда хотин-қизларга аълохида эьтибор берилиб, “Аёллар дафтари”ни юритиш орқали хотин-қизлар муаммолари тизимли равишда ҳал этилмоқда.
Жумладан, туманда “Аёллар дафтари”га киритилган 2615 нафар хотин-қизлардан 2452 нафари (94 фоизи)га ёрдам кўрсатилган
Шундан: Ижтимоий ҳимояга муҳтож ишсиз аёлларнинг 1950 нафаридан 1900 нафари иш билан таминланган.
Тадбиркорлик қилиш истагида бўлган эҳтиёжманд аёлларнинг 36 нафаридан 33 нафарига кредит ажратилган.
Уй-жойга муҳтож эҳтиёжманд хотин-қизлар жумладан, ижарада яшовчи эҳтиёжманд аёлларнинг 23 нафаридан 19 нафарига бугунги кунда уй-жой ижара компенцатцияси тўлаб берилди.
Эҳтиёжманд оилалардаги 30 нафар хотин-қизларга олий таълим муассасаларига қўшимча давлат гранти асосидаги қабул кўрсаткичлари доирасида танловда иштирок этиш учун тавсияномалар берилди.
Оилавий ажрим билан боғлиқ 84 та низоли оилалардан 57 таси яраштиришга эришилди.
Ҳурматли байрам тадбир иштирокчилари!
Пахтакор тумани “Инсон” ижтимоий хизматлар маркази томонидан аҳолига сифатли ижтимоий хизмат ва ёрдам кўрсатиш мақсадида бир қанча ишлар амалга оширилмоқда.
Туманда 32 нафар ўзгалар парваришига муҳтож бўлган ёлғиз яшовчи шахсларга ижтимоий хизмат ва ёрдамлар кўрсатилмоқда.
Туманда 2260 нафар ногиронлиги бўлган шахслар мавжуд бўлиб, улардан 140 нафарига протез-ортопедия мосламалари ва реабилитатция қилишнинг техник воситалари билан таъминланиб, 230 нафари бандлиги таъминланди.
Кам таъминланган оилаларнинг 1550 тасига 798 млн.сўм миқдорида болалар нафақаси ва моддий ёрдам берилди.
Азиз ҳамюртлар!
Қувончли воқеаларга бой тарзда кечаётган йилнинг яна бир хушхабари Ўзбекистон Республикаси мустақилликнинг 34 йиллиги муносабати ва Президентимизнинг Фармонлари билан бир гурух тадбиркор ва фермерлар давлатимизнинг юксак орден ва медаллари билан тақдирландилар. Жумладан, туманимиздан “Paxtakor Teks” масъулияти чекланган жамияти раҳбари Абдурахманов Илхомжон Турсунович ва “Шер-Улуғ-Жаҳон” фермер хўжалиги бошлиғи Сориев Шерзод Эшонкуловичлар “Шухрат” медали билан тақдирландилар. (Мукофотланганларни барча туман фаоллари номидан табриклаймиз)
Ҳурматли байрам тадбири қатнашчилари!
Сизларни Ўзбекистон Республикаси давлат мустақиллигининг 34 йиллик байрами билан яна бир бор чин дилдан табриклайман.
Барчангизга сиҳат-саломатлик, оилавий бахт ва омад ёр бўлсин!
Гўзал ва бетакрор юртимиз ҳамиша тинч ва фаровон бўлсин!
Мустақиллик байрами муборак бўлсин!
Эътиборларингиз учун раҳмат!