8-сентабр куни Халқ депутатлари Олмазор тумани Кенгашининг 35-сессияси бўлиб ўтди.

Сессия кун тартибидан бўшаб қолган депутатлик ўринларига ўтказилган сайлов натижалари, Кенгаш доимий комиссиялари таркибига ўзгартириш киритиш ҳамда 2026–2027-йиллар куз-қиш мавсумига тайёргарлик кўриш масалалари ўрин олди.

Шунингдек, тумандаги ташқи ёритиш тармоқларининг ҳолати, 2026-йилда амалга оширилаётган ишлар ва ҳудудларни ёритиш билан таъминлаш самарадорлиги муҳокама қилинди.

Сессия якунида кун тартибидаги масалалар юзасидан тегишли қарорлар қабул қилинди.