Тошкент вилояти Оҳангарон тумани ҳокимлиги

– ғайриқонуний нарколаборатория ташкил этиш, унда наркотиклар тайёрланган ёки тайёрланмаганидан қатъий назар, жиноий жавобгарликка сабаб бўлади, 20 йилгача озодликдан маҳрум қилиш билан жазоланади;

– наркожиноятларга ҳомийлик қилган мансабдор шахслар 20 йилгача қамалади; 

– жамоат жойларида гиёҳвандлик воситалари, психотроп ёки кучли таъсир қилувчи моддаларни истеъмол қилган шахсларга нисбатан 15 сутка маъмурий қамоқ жазоси қўлланилади;

– наркотикларни уюшган гуруҳ таркибида икки ёки ундан ортиқ давлат ҳудудида ноқонуний муомалага киритганлар 15 йилдан 20 йилгача озодликдан маҳрум этилади;

– наркожиноят содир этган шахслар жазо муддатини тўлиқ ўтайди ва улар муддатидан илгари шартли озод қилинмайди, шунингдек, уларнинг жазоси енгилроғи билан алмаштирилмайди; 

– наркотикларни кўп миқдорда ҳар қандай усулда ўтказган шахслар энг камида 15 йилга қамалади;

– кучли таъсир қилувчи моддалар таълим ташкилотларида, озодликдан маҳрум қилиш жойларида, Интернет тармоғидан фойдаланиб ёки хавфли  рецидивист томонидан муомалага киритилиши 5 йилдан 10 йилгача озодликдан маҳрум қилиш билан жазоланади;

– агар шахс бошқа бир шахсни наркотик моддаларни истеъмол қилишга жалб этиши унинг ўлимига ёки бошқа оғир оқибатларга сабаб бўлса 5 йилдан 10 йилгача қамалади; 

– вояга етмаган шахсни алоҳида тоифадаги кучли таъсир қилувчи моддани истеъмол этишга жалб қилганлар эндиликда маъмурий эмас, балки, тўғридан-тўғри жиноий жавобгарликка тортилади.