Оҳангарон туман ҳокими Баҳром Норқобилов раислигида Ўзбекистон Республикаси давлат мустақиллигининг 35 йиллигини муносиб кутиб олишга бағишланган тайёргарлик ишларига бағишланган йиғилиш бўлиб ўтди
2026-07-14 11:40:00 / Янгиликлар
Йиғилишда туман ҳудудида байрам тадбирларини юқори савияда ташкил этиш, кўча ва хиёбонларни, давлат ташкилотлари, ижтимоий соҳа объектлари ҳамда бошқа муассасаларни байрамона руҳда безатиш, аҳолида юксак кайфият яратишга қаратилган ишлар муҳокама қилинди.
Шунингдек, маҳаллаларда ободонлаштириш ва санитария-тозалик ишларини янада кучайтириш, ички кўчалар, аҳоли гавжум жойлари, яшил ҳудудлар ҳамда ижтимоий объектлар атрофини тартибга келтириш, байрам арафасида ҳудудларни кўркам қиёфага келтириш бўйича амалга оширилаётган ишларнинг ҳолати таҳлил қилинди.
Муҳокамалар давомида ҳар бир ҳудудда ободонлаштириш ишларини сифатли ва ўз вақтида бажариш, байрамона баннерлар ва безакларни ўрнатиш, кўчаларни ёритиш тизимларини тартибга келтириш ҳамда барча ташкилот ва муассасаларнинг байрамга муносиб тайёргарлигини таъминлаш юзасидан аниқ вазифалар белгилаб берилди.
Йиғилиш якунида туман ҳокими барча мутасадди раҳбарларга белгиланган топшириқларни ўз вақтида ва сифатли ижро этиш, Мустақиллик байрамини юқори савияда ўтказиш учун тайёргарлик ишларини тизимли равишда давом эттириш юзасидан тегишли кўрсатмалар берди.