Мактабгача ва мактаб таълими бўлимининг навбатдаги ҳайъат йиғилиши ўтказилди
2026-02-12 09:00:00 / Янгиликлар
Оҳангарон тумани Мактабгача ва мактаб таълими бўлими томонидан навбатдаги ҳайъат йиғилиши ўтказилди. Унда бўлим раҳбарияти, масъул мутахассислар, мактабгача таълим ташкилотлари ҳамда умумтаълим мактаблари раҳбарлари иштирок этди.
Йиғилиш кун тартибига мувофиқ, ҳудудда таълим сифатини ошириш, ўқув-тарбия жараёнини самарали ташкил этиш, давлат таълим стандартлари ижросини таъминлаш, педагог кадрлар салоҳиятини ошириш ҳамда ижро интизомини мустаҳкамлаш масалалари атрофлича муҳокама қилинди.
Шунингдек, мактабгача таълим ташкилотларида болаларни мактабга тайёрлаш даражаси, умумтаълим мактабларида ўқувчиларнинг билим кўрсаткичлари, фан олимпиадалари ва турли танловларда эришилган натижалар таҳлил қилинди. Аниқланган камчиликлар юзасидан тегишли масъулларга аниқ вазифалар белгилаб берилди.
Йиғилиш давомида таълим муассасаларида маънавий-маърифий ишларни кучайтириш, ўқувчилар давоматини назорат қилиш, ота-оналар билан ҳамкорликни янада мустаҳкамлаш ҳамда замонавий педагогик технологияларни кенг жорий этиш зарурлиги алоҳида таъкидланди.
Шу билан бирга, келгуси ўқув йилига тайёргарлик кўриш, моддий-техник базани мустаҳкамлаш, синф хоналарини жиҳозлаш ва хавфсизлик чораларини кучайтириш масалалари ҳам кўриб чиқилди.
Йиғилиш якунида таълим сифатини ошириш, ёш авлодни ҳар томонлама баркамол этиб тарбиялаш йўлида тизимли ва самарали ишларни давом эттириш, белгиланган вазифалар ижросини ўз вақтида ва сифатли таъминлаш бўйича масъулларга тегишли топшириқлар берилди.