Туман ҳокими Баҳром Норқобилов ижтимоий соҳа раҳбарлари билан йиғилиш ўтказди
2025-12-23 10:05:00 / Янгиликлар
Унда туман ҳудудида ижтимоий соҳа йўналишида амалга оширилаётган ишлар, аҳолига кўрсатилаётган хизматлар сифати ҳамда соҳаларни янада ривожлантириш бўйича устувор вазифалар муҳокама қилинди.
Йиғилишда туман ҳокимининг тегишли ўринбосари Ихтиёр Қурбонов, Маҳаллалар уюшмаси туман бўлими, “Нуроний” жамғармаси туман бўлими, Мактабгача ва мактаб таълими бўлими, Тиббиёт бирлашмаси, “Инсон” ижтимоий хизматлар маркази, Ёшлар ишлари бўлими, Маънавият ва маърифат маркази туман бўлими ҳамда Спорт мактаби раҳбарлари иштирок этиб, 2025-йил давомида амалга оширилган ишлар ва келгусидаги режалар бўйича ахборотлар тақдим этди.
Оҳангарон тумани ҳокими Баҳром Норқобилов ҳар бир йўналиш бўйича берилган ахборотларни тинглаб, ижтимоий соҳада тизимли иш олиб бориш, идоралар ўртасида ўзаро ҳамкорликни кучайтириш, аҳоли манфаатларини устувор қўйган ҳолда вазифаларни самарали амалга ошириш зарурлигини таъкидлади.
Йиғилиш якунида масъул раҳбарларга белгиланган вазифалар ижросини таъминлаш, ижтимоий хизматлар сифатини янада ошириш ҳамда мавжуд имкониятлардан самарали фойдаланиш бўйича тегишли топшириқлар берилди.