Бош вазир ўринбосари йирик инвестицион лойиҳа билан танишди
2025-12-22 08:55:00 / Янгиликлар
Ўрганиш давомида ушбу лойиҳанинг аҳамияти, бугунги кундаги қурилиш ишларининг бориши хорижлик ҳамкорлар билан биргаликда муҳокама қилинди.
Маълумот ўрнида:
Ўзбекистон Республикаси Президентининг 2025-йил 24-мартдаги “Тошкент шаҳри, Тошкент ва Андижон вилоятларида қаттиқ маиший чиқиндиларни ёқиш орқали электр энергияси ишлаб чиқариш” инвестиция лойиҳасини амалга ошириш чора-тадбирлари тўғрисида”ги ПҚ–116-сонли қарорига мувофиқ, Хитой Халқ Республикасининг “China CAMC Engineering” компанияси томонидан Оҳангарон тумани “Янги ҳаёт” маҳалласи ҳудудида 240 миллион АҚШ доллари миқдорида тўғридан-тўғри инвестициялар жалб этган ҳолда йилига 912 минг тонна(кунига 2.5 минг тонна) чиқиндиларни термик усулда қайта ишлаш орқали 390 миллион кВт электр энергияси ишлаб чиқаришга қаратилган инвестиция лойиҳаси амалга оширилмоқда.
Давлатимиз раҳбарининг 2025-йил 24-мартдаги ПФ–56-сон Фармонига асосан Оҳангарон тумани “Янги ҳаёт” маҳалласи ҳудудида экосаноат зонасини ташкил этиш учун танлаб олинган 14,7 гектар ер майдонининг 12 гектарида завод қурилиш ишлари давом этмоқда.
Ҳозирги вақтда қурилиш ишларига 30 дан ортик махсус техника ва 200 нафарга яқин ишчи жалб қилиниб, компания томонидан топографик-геодезик тадқиқот ва изланиш ишлари ҳамда ер майдонларини тексилаш ишлари якунланган.
Бугунга қадар заводнинг асосий биноси қурилиши режалаштирилган ҳудудда жами 26 та устун (свая)лар қоқилиб, декабрь ойи якунига қадар устун қоқиш ишлари тўлиқ якунланади.
Заводнинг бош режаси, жойлашув схемаси ва дизайн-лойиҳаси ишлаб чиқилиб, махсус асбоб-ускуналар ва қурилиш материалларининг смета ҳужжатлари шакллантирилиб, асосий технологик ускуналар учун 50 % учун компания томонидан буюртмалар берилган.
Ҳозирда танлаб олинган ер майдонида қурилиш-монтаж ишлари режага мувофиқ амалга оширилмоқда. Мазкур лойиҳани жадаллаштириш бўйича хорижий инвестор ҳамда тегишли вазирлик ва идоралар билан ҳамкорликда ишлар ташкил этилмоқда.