Оҳангарон тумани ҳокими Дониёр Мадиримовнинг Ўзбекистон Республикаси Конституцияси қабул қилинганлигининг 33 йиллиги муносабати билан БАЙРАМ ТАБРИГИ
2025-12-05 16:10:00 / Раҳбариятнинг баёнотлари ва нутқлари
Конституциямиз инсон қадрини эъзозлаш, жамиятда адолат, тенглик ва эркинликни таъминлашга хизмат қиладиган мустаҳкам ҳуқуқий пойдевордир. У мамлакатимизда амалга оширилаётган барча ислоҳотлар, янгиланишлар ва тараққиёт дастурларининг асосий йўналтирувчиси бўлиб келмоқда.
Сўнгги йилларда Конституциямиз янги таҳрирда қабул қилиниб, халқнинг иродаси, адолатли ва фаровон жамият қуриш йўлидаги интилишлари янада тўлиқ акс эттирилди. Инсон қадрини улуғлаш, ҳудудларни ривожлантириш, аҳолининг турмуш даражаси ва ҳуқуқий маданиятини ошириш борасида қатор ислоҳотлар амалга оширилмоқда.
Оҳангарон туманида ҳам Конституциямизда белгиланган тамойилларни ҳаётга татбиқ этиш мақсадида, кенг кўламли ишлар амалга оширилмоқда. Маҳаллалардаги муаммоларни ҳал қилиш, фуқаролар фаровонлигини ошириш, тадбиркорликни қўллаб-қувватлаш, ёшлар ва хотин-қизлар учун имкониятлар яратиш борасида сезиларли натижаларга эришилмоқда.
Қадрли юртдошлар!
Ушбу қутлуғ кунда барчангизни Конституция қабул қилинганининг 33 йиллиги билан чин қалбдан табриклайман. Юртимиз тинч, ризқимиз баракали, келажагимиз буюк бўлсин! Барчангизга оилавий бахт, сиҳат-саломатлик ва омадлар тилайман!
Бош қомусимиз — адолат ва тараққиёт қомуси бўлиб, юртимиз равнақи йўлида хизмат қилишда давом этсин!