Коррупциянинг олдини олишга қаратилган суҳбат: давлат хизматчилари учун муҳим чақириқ
2025-12-05 11:50:00 / Янгиликлар
Тадбир давомида коррупциявий хатти-ҳаракатлар юзага келишига олиб келадиган омиллар, бу каби жиноятларнинг ҳуқуқий оқибатлари ва давлат хизматчиси муносабатидаги ахлоқий меъёрлар атрофлича ёритиб берилди.
Учрашувда, айниқса, туман ҳокимлигининг собиқ ходими — коррупцион ҳаракатлари учун ҳуқуқ-тартибот идоралари томонидан тезкор тадбир давомида қўлга олинган “А.Ё.”нинг қилмиши атрофлича муҳокама қилинди. Ушбу ҳолат иштирокчиларга амалий мисол сифатида келтирилиб, ҳар қандай қонунбузарлик, айниқса, мансаб ва ишончни суиистеъмол қилиш каби жиноятлар охири яхшилик билан тугамаслиги қатъий таъкидланди.
Давлат хизматчиси – халқ ишончини оқловчи, Ватан олдида масъулиятни ҳис этувчи шахс бўлиши керак. Тадбир давомида давлат хизматчиларига ҳалоллик, шаффофлик, виждонан ва қонун доирасида фаолият юритиш зарурлиги ҳақида тўхталиб ўтилди.
Профилактик суҳбат иштирокчилари бундай тадбирлар тизимли равишда ўтказилиши, ходимлар ўртасида ҳуқуқий маданиятни янада оширишга хизмат қилишини қайд этишди.