Оилада фарзанд тарбияси ва унинг таъминоти ота ва онанинг бурчидир
2025-11-11 15:55:00 / Янгиликлар
Мажбурий ижро бюроси Оҳангарон тумани бўлими бошлиғи Ондаев Ҳасан Ражаббоевичнинг туман аҳолисига МУРОЖААТИ
Оила жамиятнинг энг кичик ва энг муҳим бўғини ҳисобланади. Оиладаги муҳитнинг соғломлиги кўп жиҳатдан катталарга, яъни ота-оналарга боғлиқдир.
Фарзанднинг келажакда жамият учун етук, билимли ва салохиятли кадр бўлиб шаклланишида унинг маънавий тарбиясидан ташқари, моддий таъминоти ҳам муҳим аҳамиятга моликдир.
Ҳар бир ота-она ўз фарзандини келажакда жисмонан соғлом, руҳан тетик, мукаммал инсон бўлишини орзу қилади, бироқ, айрим ота ёки она фарзанди учун суд қарори асосида моддий таъминот (алимент) бериши белгиланган бўлишига қарамасдан, ўз мажбуриятларини бажармасдан келмоқда.
Шу сабабли, мамлакатимизда Қонун устуворлигини таъминлаш мақсадида, фарзанди таъминоти учун алимент пулларини ўз вақтида тўламаган қарздорлар(ота ёки она)га нисбатан Ўзбекистон Республикаси МЖтКнинг 47-4-моддасига асосан суд тартибида 15 суткагача маъмурий жавобгарлик, маъмурий жазо чораси қўлланилгандан сўнг ҳам алимент пулларини тўламаганларга нисбатан эса Ўзбекистон Республикаси Жиноят кодексининг 122-моддаси билан жиноий иш қўзғатилиб, алимент пуллари ундириб берилмоқда.
Ҳурматли тумандошлар!
Сизлардан маҳаллангизда яшаб, ўз фарзанди тарбияси, моддий таъминотига эътиборсиз бўлаётганларга бефарқ бўлмасликларингизни, улар билан ўзаро суҳбатларда тегишли тушунчалар бериб боришингизни сўраб қоламиз.
Алимент тўловчи фукароларимиздан алимент тўламаслик, фарзандига таъминот бермаслик Қонунларимизда ҳам, динимизда ҳам жавобгарлик белгиланганлигини ёдда тутиб, ўз фарзандингиз таъминоти учун тўланадиган алимент пулларини ўз вақтида тўлаб боришингиз сўралади.
Ҳ.Р.Ондаев, Бюронинг Оҳангарон туман бўлими бошлиғи, адлия маслаҳатчиси.