Нурота туманида ҳуқуқни муҳофаза қилувчи органлар раҳбарлари томонидан сайёр қабул ўтказилди
2025-10-09 12:30:00 / Янгиликлар
Бугун Нурота тумани 5-сон Болалар мусиқа ва санъат мактаби биносида Навоий вилоятининг ҳуқуқни муҳофаза қилувчи органлари раҳбарлари томонидан оммавий сайёр қабул ташкил этилди.
Мазкур тадбирда Навоий вилояти прокурори А. Муллажонов, Нурота тумани ҳокими А. Файзиев, шунингдек, вилоят ва туман ҳуқуқни муҳофаза қилувчи органлари раҳбарлари иштирок этишди.
Мазкур сайёр қабул фуқароларнинг мурожаатларини жойида ўрганиш, уларнинг муаммоларига амалий ечим топиш ҳамда давлат органлари ва халқ ўртасидаги ўзаро мулоқотни янада мустаҳкамлаш мақсадида ўтказилмоқда.
Тадбир давомида мурожаат билдирган фуқароларнинг масалалари тегишли ташкилотлар раҳбарлари иштирокида кўриб чиқилиб, уларни ҳал этиш бўйича аниқ топшириқлар берилди.
Сайёр қабул аҳолининг муаммоларини эшитиш ва уларни манзилли ҳал этиш йўлида муҳим аҳамият касб этади.