Нурота туманида камбағалликни қисқартириш ва бандлик масалалари муҳокама қилинди
2026-06-11 17:45:00 / Мажлислар
Нурота тумани ҳокимлигида камбағалликни қисқартириш, аҳоли бандлигини таъминлаш, мигрантлар билан ишлаш ҳамда ёшлар бандлигини ошириш масалалари юзасидан ҳудудда амалга оширилаётган ишлар муҳокамасига бағишланган йиғилиш бўлиб ўтди.
Унда туман ҳокимининг биринчи ўринбосари А.Бўриев, Навоий вилояти Камбагʻалликни қисқартириш ва бандлик бош бошқармаси бошлиғи Л.Хайруллаев ҳамда маҳаллалардаги ҳоким ёрдамчилари иштирок этди.
Йиғилиш давомида ҳудудда камбағалликни қисқартириш, аҳоли, айниқса ёшлар бандлигини таъминлаш, меҳнат мигрантлари билан тизимли ишлаш, мавжуд имкониятлардан самарали фойдаланиш ҳамда белгиланган вазифаларнинг ижроси юзасидан амалга оширилаётган ишлар таҳлил қилинди.
Шунингдек, масъулларга аҳоли бандлигини ошириш, эҳтиёжманд оилаларни қўллаб-қувватлаш, ёшларни касб-ҳунар ва тадбиркорликка йўналтириш борасидаги ишларни янада жадаллаштириш юзасидан тегишли топшириқ ва тавсиялар берилди.
Йиғилиш якунида белгиланган вазифаларни ўз вақтида ва сифатли амалга ошириш бўйича устувор йўналишлар белгилаб олинди.